ନବବଧୂଙ୍କ ସନ୍ଦେହଜନକ ମୃତ୍ୟୁ ଅଭିଯୋଗ । ଯୌତୁକ ଜନିତ ହତ୍ୟା କରାଯାଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଏଭଳି ଅଭାବନୀୟ ଘଟଣା ଘଟିଛି ବଲାଙ୍ଗୀର ଜିଲ୍ଲା ବେଲପଡା ଥାନା ଅନ୍ତର୍ଗତ ଧୂମାଭଟା ଗାଁର ଶବର ପଡାରେ ।
ସୂଚନା ଅନୁସାରେ, ବେଳପଡା ଥାନା ଅନ୍ତର୍ଗତ ଶବର ପଡାର ଉଦ୍ଧବ ରଣାଙ୍କ ସାନ ପୁଅ ସନ୍ୟାସୀ ରଣା ସିସକେଲା ଗାଁର ଚିତ୍ର ରଣାଙ୍କ ଝିଅ ସଙ୍ଗୀତାଙ୍କୁ ବୈଦିକ ରୀତିନୀତିରେ ଗତ ଜାନୁଆରୀ ମାସରେ ବିବାହ କରିଥିଲେ ।
ହେଲେ ଗତ କିଛି ଦିନ ହେଲା ଉଭୟ ସ୍ୱାମୀ ସ୍ତ୍ରୀଙ୍କ ମଧ୍ୟରେ କଳହ ଲାଗି ରହିଥିଲା । ହେଲେ ପରେ ସଙ୍ଗୀତା ରଣାଙ୍କର ମୃତ୍ୟୁ ହୋଇଛି । ଏନେଇ ସଙ୍ଗୀତାଙ୍କ ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି । ଯୌତୁକ ପାଇଁ ହତ୍ୟା କରିଥିବା ସେମାନେ ଦାବି କରୁଛନ୍ତି ।
