୧୦ ମାସର ଶିଶୁ କନ୍ୟାକୁ ଛତିଶଗଡର ରେଳୱେରେ ଚାକିରୀ ଦିଆଯାଇଛି । ପିତାମାତା ଏକ ସଡକ ଦୁର୍ଘଟଣାରେ ପ୍ରାଣ ହରାଇବା ପରେ ଥଇଥାନ ଯୋଜନାରେ ରେଳୱେ ପକ୍ଷରୁ ତାଙ୍କର ୧୦ ମାସର ଶିଶୁ କନ୍ୟାଙ୍କୁ ଚାକିରୀ ଦିଆଯାଇଛି ।ଶିଶୁକନ୍ୟାର ପିତା ରାଜେନ୍ଦ୍ର କୁମାର ଛତିଶଗଡ ଭିଲାଇ ରେଳୱେ ପିପିଆର୍ଡରେ ସହକାରୀ ଭାବେ କାର୍ଯ୍ୟ କରୁଥିଲେ ।
ଚୋରଡାରେ ଥିବା ସରକାରୀ ବାସଭବନରେ ରହୁଥିଲେ । ତେବେ ଗତ ଜୁନ୧ ତାରିଖ ଦିନ ମୋଟର ସାଇକେଲ ଯୋଗେ ସ୍ତ୍ରୀ ମଞ୍ଜୁଲତା ଏବଂ ୧୦ ମାସର ଶିଶୁ କନ୍ୟାଙ୍କ ସହିତ ସେ ଭିଲାଇ ଯାଉଥିଲେ ।ଏହି ସମୟରେ ସଡକ ଦୁର୍ଘଟଣ ହୋଇଥିଲା । ଏହି ଦୁର୍ଘଟଣାରେ ଉଭୟ ପତୀପତ୍ନୀଙ୍କର ମୃତ୍ୟୁ ହୋଇଥିଲା ।
ହେଲେ ସୌଭାଗ୍ୟବଶତଃ ୧୦ ମାସର ଶିଶୁ କନ୍ୟାଟି ଏଥିରୁ ବର୍ତ୍ତି ଯାଇଥିଲା । ପରେ ଦକ୍ଷିଣ-ପୂର୍ବ କେନ୍ଦ୍ର ରେଳ ବିଭାଗ ଏହି ଘଟଣାକୁ ଗୁରୁତର ସହ ନେଇଥିଲା ।ଏହାସହିତ ୧୦ ମାସର ଶିଶୁକୁ ଚାକିରୀ ଦେବାକୁ ନିଷ୍ପତ୍ତି ହୋଇଥିଲା । ତେବେ ଶିଶୁ କନ୍ୟାକୁ ୧୮ ବର୍ଷ ହେବା ପର୍ଯ୍ୟନ୍ତ ବାପାଙ୍କ ଦରମା ସହିତ ସମାନ ଦରମା ପାଇବ । ଏହା ପରେ ଯୋଗ୍ୟତା ଅନୁସାରେ ରେଳୱେରେ ନିଯୁକ୍ତି ଦିଆଯିବ ବୋଲି କୁହାଯାଇଛି ।
