ମାଲକାନଗିରି:-(ଜି:ପ୍ର: ଓଡିଶା ହାଲଚାଲ ) ଏକ ଦୁଃଖଦ ଖବର ଯାହା ମାଲକାନଗିରି ଜିଲ୍ଲା ଚିତ୍ରକୋଣ୍ଡା ରୁ ଆସି ପହଞ୍ଚିଛି, ରାସ୍ତା କାର୍ଯ୍ୟ ପାଇଁ ଖୋଳା ଯାଇଥିବା ଏକ ଗାତରେ ଖସି ପଡ଼ି ଦୁଇ କୁନି ଶିଶୁ କନ୍ୟାଙ୍କ ମୃତ୍ୟୁ ହୋଇଯାଇଛି।
ଏଭଳି ଅଭାନୀୟ କାଣ୍ଡ ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଥାନା ଅନ୍ତର୍ଗତ ଢେପ ସାହିରେ ଘଟିଛି । ଚାରି ବର୍ଷର ସୁଭଦ୍ରା କମାର ଏବଂ 3 ବର୍ଷର ସୁମୀ ଜାନମ , ଦୁହେଁ ଖେଳୁଥିବା ସମୟରେ ହଠାତ୍ ପାଣି ଭର୍ତ୍ତି ଗାତ ଭିତରକୁ ଖସି ପଡ଼ିଥିବା ଜଣାପଡିଛି। ଗାତ ରେ ପାଣି ଭର୍ତ୍ତି ରହିଥିବାରୁ ଏଭଳି ଅଭାବନୀୟ ଘଟଣା ଘଟିଛି।
ଲୋକଙ୍କ କହିବା ଅନୁସାରେ ରାସ୍ତା ମରାମତି କାର୍ଯ୍ୟ ସମୟରେ ଗାତ ଭର୍ତ୍ତି କରି ପାଣି ରଖିଥିଲେ ଠିକାଦାର। କିନ୍ତୁ ରାସ୍ତା କାମ ସରିବା ପରେ ମଧ୍ୟ ପାଣି ଭର୍ତ୍ତି ଗାତକୁ ଖୋଲା ଛାଡି ଦେଇଥିବା ଯୋଗୁଁ ଏଭଳି ଅଭାନୀୟ ଘଟଣା ଘଟିଥିବା ଅଭିଯୋଗ ହୋଇଛି। ତେବେ ଟିକିଏ ମାତ୍ର ଭୁଲ ପାଇଁ ବୋଲି ପଡ଼ିଲା ୨ ବହୁମୂଲ୍ୟ ଜୀବନ। ମାଲକାନଗିରି
