ଗୁଣୁପୁର:-(ରିପୋର୍ଟ:-କାହ୍ନୁ ଚରଣ ପାଢ଼ୀ)ରାୟଗଡା ଜିଲ୍ଲା ଗୁଣୁପୁର ବ୍ଲକ୍ ଲିମାମେଡା ଠାରେ ଥିବା ବାଳ ନିକେତନ ଶିଶୁଯତ୍ନ ଅନୁଷ୍ଠାନ ରେ ଆଜି ଶିଶୁ ଦିବସ ପାଳନ ଅବସରରେ ଏଠାର ଅନ୍ତେବାସୀ ଙ୍କୁ ନେଇ ବିଭିନ୍ନ ପ୍ରତିଯୋଗିତା ଅନୁଷ୍ଠିତ ହୋଇଥିଲା
।ଉଭୟ ବରିଷ୍ଠ ଓ କନିଷ୍ଠ ବିଭାଗ କରାଯାଇ ୧୦୦ ମିଟର ଓ ୫୦ ମିଟର ଦୌଡ଼, ଅଖା ଦୌଡ଼, ଲେମ୍ବୁ ଚାମଚ, ବେଙ୍ଗ ଡିଆଁ, ଉଚ୍ଚ ଓ ଲମ୍ବ ଡିଆଁ, ସଙ୍ଗୀତ, ନୃତ୍ୟ, କୁଇଜ ଓ ବକୃତା ପ୍ରତିଯୋଗିତା କରାଯାଇଥିଲା । କୃତି ପ୍ରତିଯୋଗୀଙ୍କୁ ପୁରସ୍କୃତ କରାଯାଇଥିଲା ।
ପୁରସ୍କାର ବିତରଣ ଉତ୍ସବରେ ୱାର୍ଡ ସଭ୍ୟ ଗୌର ସେନାପତି, ବନରକ୍ଷୀ ରାଜୁ ଶବର, ନରସିଂହନାଥ ମହାନ୍ତି, କାହ୍ନୁଚରଣ ପାଢ଼ୀ ପ୍ରମୁଖ ଯୋଗ ଦେଇଥିବା ବେଳେ ଅନୁଷ୍ଠାନ ପରିଚାଳକ ଅକ୍ଷୟ ରଞ୍ଜନ ମହାନ୍ତି କାର୍ଯ୍ୟକ୍ରମ ପରିଚାଳନା କରିଥିଲେ ।
