ଦେଶର ଜନସାଧାରଣଙ୍କୁ କେନ୍ଦ୍ର ସରକାର ମହଙ୍ଗାରୁ ମୁକ୍ତି ଦେବା ପାଇଁ ଉଦ୍ୟମ କରୁଛନ୍ତି । ପେଟ୍ରୋଲ, ଡିଜେଲ, ଖାଇବା ତେଲ ଓ ଗହମ ପରେ କେନ୍ଦ୍ର ସରକାର ଏବେ ଚୀନୀ ଦର ଶସ୍ତା କରିପାରନ୍ତି । ଗହମ ରପ୍ତାନୀ ଉପରେ କଟକଣା ଲଗାଇବା ପରେ ସରକାର ଏବେ ଚୀନୀର ରପ୍ତାନୀ ଉପରେ ଜୁନ ୧ ତାରିଖ ଠାରୁ କଟକଣା ଲଗାଇବେ ।
ଏହା ଦ୍ୱାରା ଘରୋଇ ବଜାରରେ ଚୀନୀର ଉପଲବ୍ଧତା ବେଶୀ ରହିବ । ଫଳରେ ଚୀନୀ ଦର ମଧ୍ୟ ହ୍ରାସ ପାଇବା ଆଶଙ୍କା ରହୁଛି ।
ଉପଭୋକ୍ତା ବ୍ୟାପାରର ମନ୍ତ୍ରାଳୟ ତରଫରୁ ଚୀନୀର ରପ୍ତାନୀ ଉପରେ କଟକଣା ନେଇ ଜାତୀୟ ଗଣମାଧ୍ୟମକୁ ସୂଚନା ଦିଆଯାଇଛି । ଏହା ପୂର୍ବରୁ ସରକାରଙ୍କ ତରଫରୁ ସୂର୍ଯ୍ୟମୁଖୀ ଓ ସୋୟାବିନ ତେଲ ଆମଦାନୀ ଉପରେ କଷ୍ଟମ ଡ୍ୟୁଟି ଶେଷ କରାଯାଇଥିଲା ।
ଏହି ନିଷ୍ପତ୍ତିର ପ୍ରଭାବ ସିଧାସଳଖ ତେଲ ଦର ଉପରେ ପଡ଼ିଛି । ବିଦେଶ ବ୍ୟାପାର ମହାନିର୍ଦ୍ଦେଶାଳୟ (ଡିଜିଏଫଟି) ଏକ ବିଜ୍ଞପ୍ତି ଜାରି କହିଛି ଯେ, ଚୀନୀର ରପ୍ତାନୀ ଅଗାମୀ ଜୁନ ୧ ତାରିଖରୁ କଟକଣା ତାଲିକାରେ ରଖାଯାଇଛି ।
