କାର୍ଯ୍ୟରେ ଅବହେଳା କାରଣରୁ ନିଲମ୍ଵିତ ହେଲେ ଏଏସଆଇ । ମଣିଷଙ୍କୁ ପଶୁ ଇଞ୍ଜେଇକ୍ସନ୍ ଦେବା ଘଟଣାରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିବା ଏସ୍ପି ରିଷୀକେଶ ଦ୍ୟନଦେଓ ଖିଲାରୀ ସୁଚନା ଦେଇଛନ୍ତି ।
ଏଏସଆଇଙ୍କ ନାଁ ହେଉଛି ପବିତ୍ର ମୋହନ ରାଉତ । ସେ ମୟୁରଭଞ୍ଜ ଜିଲ୍ଲା ମହୁଲଡିହା ଥାନାର ଏଏସଆଇ ଅଟନ୍ତି । ଖବର ଅନୁସାରେ ମହୁଲଡିହା ଗ୍ରାମବାସୀଙ୍କ ଅଭିଯୋଗ କ୍ରମେ ଜଣେ ପଶୁ ଡ଼ାକ୍ତର ହୋଇ ମଧ୍ୟ ମଣିଷଙ୍କ ଚିକିତ୍ସା କରୁଥିଲେ ଏପରିକି ବିଶ୍ଵନାଥ ବେହେରା ନାମକ ଜଣେ ନକଲି ଡାକ୍ତର ମଣିଷଙ୍କୁ ପଶୁ ଇଞ୍ଜେକ୍ସନ ମଧ୍ୟ ଦେଇଥିଲେ।
ଏଥିରେ ଉତ୍ତ୍ୟକ୍ତ ହୋଇ ସ୍ଥାନୀୟ ଲୋକେ ପଶୁ ଡାକ୍ତରଙ୍କୁ ମହୁଲଡିହା ଥାନା ଜିମା ଦେଇଥିଲେ। ସେହି ସମୟରେ କାର୍ଯ୍ୟରତ ଥିବା ଏଏସଆଇ ମୋହନ ରାଉତ ଏକ ରାଜିନାମା ଲେଖାଇ ନକଲି ଡାକ୍ତରକୁ ଛାଡି ଦେଇଥିଲେ। ଏହି ଘଟଣାରେ ଏବେ ମୟୂରଭଞ୍ଜ ଏସ୍ପି କାର୍ଯ୍ୟାନୁଷ୍ଠାନ ନେଇଛନ୍ତି।
