ଦକ୍ଷିଣ କାଶ୍ମୀରର ଅନନ୍ତନାଗ ଜିଲ୍ଲାରେ ଏକକାଉଣ୍ଟର୍ । ଏନକାଉଣ୍ଟରରେ ନିପାତ ହେଲେ ୩ ଆତଙ୍କବାଦୀ । ଅନନ୍ତନାଗ ଜିଲ୍ଲାର ପହଲଗାମ୍ ଜଙ୍ଗଲ ଅଂଚଳରେ କିଛି ଆତଙ୍କବାଦୀ ଲୁଚି ରହିଥିବା ସମ୍ପର୍କରେ ଗୋଇନ୍ଦା ସୂଚନା ମିଳିଥିଲା । ଏହା ପରେ ସମ୍ପୃକ୍ତ ଅଂଚଳରେ ଆରମ୍ଭ ହୋଇଥିଲା ସର୍ଚ୍ଚ ଅପରେସନ୍ ।
ସୁରକ୍ଷା ବଳ ଏବଂ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ଘଟିବାରୁ ୩ ଜଣ ଆତଙ୍କବାଦୀ ନିପାତ ହୋଇଥିବା ଜଣାପଡ଼ିଛି । ଆତଙ୍କବାଦୀ ଦୁଇ ଜଣ ହିଜିବୁଲ ମୁଜାହିଦ୍ଦିନର ସଦସ୍ୟ ବୋଲି ଅନୁମାନ କରାଯାଇଛି । ଅପରେସନ୍ ଜାରି ରହିଛି । ଅନ୍ୟପକ୍ଷରେ ଜାମ୍ମୁକାଶ୍ମୀରର ଅନନ୍ତନାଗରେ ମଧ୍ୟ ଆଉ ଏକ ଏନକାଉଣ୍ଟରରେ ଆଉ ଜଣେ ଆତଙ୍କବାଦୀ ନିପାତ ହୋଇଥିବା ସୂଚନା ଦେଇଛନ୍ତି କାଶ୍ମୀର ଆଇଜିପି ବିଜୟ କୁମାର ।
