ଫେକ୍ ସିମ୍ କାର୍ଡ ଜବତ ମାମଲାରେ ୩ ଅଭିଯୁକ୍ତଙ୍କୁ ୫ ଦିନିଆ ରିମାଣ୍ଡରେ ନେଇଛି କ୍ରାଇମବ୍ରାଞ୍ଚ । ୩ ଅଭିଯୁକ୍ତ ହେଲେ ଦୁଷ୍ମନ୍ତ, ସାଇପ୍ରକାଶ ଓ ଅବିନାଶ । ଏହି ତିନି ଅଭିଯୁକ୍ତଙ୍କୁ ଅଧିକ ପଚରାଉଚରା କରିବ କ୍ରାଇମବ୍ରାଞ୍ଚ ।
ତେବେ ସାଇ ପ୍ରକାଶ ବିଏସଏନଏଲର ଡିଲର ଥିଲା । ଅଭିନାସ ସେଠାରେ କର୍ମଚାରୀ ଭାବେ କାମ କରୁଥିଲା । ହେଲେ ଏସବୁ ଘଟଣାର ମାଷ୍ଟର ମାଇଣ୍ଡ ରହିଥିଲା ଦୁଷ୍ମନ୍ତ । ସେ ବାୟର-ସେଲର ଗ୍ରୁପର ମୁଖ୍ୟ ଥିଲା ।
ସେହିପରି କ୍ରାଇମବ୍ରାଞ୍ଚ ସବୁ ଜିଲ୍ଲା ଏସିପିଙ୍କୁ ବିଏସଏନଏଲ, ଜିଓ ଏବଂ ଭୋଡାଫୋନ୍ ଜିଲର ପଏଣ୍ଟ ସହ ସିମ ବିକ୍ରେତାଙ୍କ ଉପରେ ଚଢାଉ କରିବାକୁ ନିର୍ଦ୍ଦେଶ ଦେଇଛି । ଭୋଡାଫୋନର ମୁଖ୍ୟ ମ୍ୟାନେଜର, ବିଏସଏନଏଲର ଜେନେରାଲ ମ୍ୟାନେଜର ଓ ଜିଓର ଏରିଆ ମ୍ୟାନେଜରଙ୍କୁ ଖୁବଶୀଘ୍ର ପଚରାଉଚରା କରାଯିବ ବୋଲି କାଇମବ୍ରାଞ୍ଚ ନୋଟିସ ଜାରି କରିଛି ।
ଲୋକସଭା ବାଚସ୍ପତି ଏମ ବିର୍ଲାଙ୍କ ନାଁରେ ଫେକ ସିମ ବାହାର କରି ଲୋକସଭାର ସାଂସଦମାନଙ୍କୁ ଟଙ୍କା ମାଗୁଥିଲେ । ତଦନ୍ତ ବେଳେ ଜଣାପଡିଥିଲା ଯେ ସେହି ସିମ ଓଡିଶାର ଢେଙ୍କାନାଳରୁ କିଣା ଯାଇ ଆକ୍ଟିଭ କରାଯାଇଥିଲା । ଏହି ମାମଲାରେ ତଦନ୍ତ କରି ଫେକ ସିମ ରାକେଟ ବିଷୟରେ ତଥ୍ୟ ପାଇଥିଲା କ୍ରାଇମବ୍ରାଞ୍ଚ
