ଆହୁରୀ ଘନେଇବାରେ ଲାଗିଛି ସାଂସଦ ଅନୁଭବ ମହାନ୍ତି ଓ ପତ୍ନୀ ବର୍ଷା ପ୍ରିୟଦର୍ଶିନୀ ପାରିବାରିକ ବିବାଦ ମାମଲା । ତେବେ ଆଜି ବର୍ଷା ପ୍ରିୟଦର୍ଶିନୀ ସାଇବର ଥାନାରେ ଏତଲା ଦେଇଛନ୍ତି । ସୋସିଆଲ ମିଡିଆରେ ତାଙ୍କର ଛବିର ଖରାପ କରାଯାଉଥିବାର ଅଭିଯୋଗ କରି ସେ ଏତଲା ଦେଇଛନ୍ତି ।
କିଛି ବ୍ୟକ୍ତି ତାଙ୍କର ଛବିକୁ ଖରାପ କରିବାକୁ ଷଡଯନ୍ତ୍ର କରୁଥିବା ଏତଲାରେ ବର୍ଷା ଉଲ୍ଲେଖ କରିଛନ୍ତି । ତାଙ୍କର ଏହି ଏତଲା ଭିତ୍ତିରେ ଆଇପିସିର ଧାରା ୫୦୯ ଓ ଆଇଟି ଆକ୍ଟରେ ମାମଲା ରୁଜୁ ହୋଇଥିବାଜଣାପଡିଛି ।
ତେବେ ସାଂସଦ ଅନୁଭବ ବାରମ୍ବାର ଭିଡିଓ ଜାରି କରି ଚରିତ୍ର ସଂହାର କରୁଥିବା ନେଇ ବର୍ଷା ଅଭିଯୋଗ କରିଛନ୍ତି । ଫଳରେ ତାଙ୍କର ମାନ ସମ୍ମାନ ହାନି ହେଉଛି ଏବଂ ସେ ମାନସିକ ନିର୍ଯାତନାର ଶିକାର ହେଉଥିବା ବର୍ଷା କହିଛନ୍ତି ।
ସେହିପରି ଏହା ପୂର୍ବରୁ ବର୍ଷା ପୁରୀଘାଟ ଥାନାରେ ଅନୁଭବଙ୍କ ନାଁରେ ଅଭିଯୋଗ କରିଥିଲେ । ଭିଡିଓ ଜାରି କରି ଅନୁଭବ ତାଙ୍କର ନାରୀତ୍ୱ ଉପରେ ପ୍ରଶ୍ନବାଚୀ ଛିଡା କରୁଥିବା ନେଇ ବର୍ଷା ଅଭିଯୋଗ କରିଛନ୍ତି
