ନୂଆପଡା(ବ୍ୟୁରୋ ଓଡିଶା ହାଲଚାଲ) :-ଦୁର୍ଗମ ଅଂଚଳ ସୁନାବେଡା ଓ ଶୋଷେଙ୍ଗ ଗ୍ରାମ ପଂଚାୟତରେ ପୀଡିଏସ ଚାଉଳ ବଣ୍ଟନର ଶୁଭାରମ୍ଭ ।ନୂଆପଡା ଜିଲ୍ଲା କୋମନା ବ୍ଲକ ଦୁର୍ଗମ ପାହାଡିଆ ଅଂଚଳ ସୁନାବେଡା ଓ ଶୋଷେଙ୍ଗ ଗ୍ରାମପଞ୍ଚାୟତରେ PDS ଚାଉଳ ବଣ୍ଟନ ଶୁଭାରମ୍ଭ କରାଯାଇଛି ।
ଉକ୍ତ କାର୍ଯ୍ୟକ୍ରମରେ କୋମନା ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀଯୁକ୍ତ ସୁଶାନ୍ତ କୁମାର ରଣା ଯୋଗଦାନ ଉଦଘାଟନ କରିଥିଲେ । ତାଙ୍କ ସହିତ ସୁନାବେଡା ଓ ଶୋଷେଙ୍ଗ ଗ୍ରାମପଞ୍ଚାୟତ ସରପଞ୍ଚ ଓ ଶୋଷେଙ୍ଗ ଗ୍ରାମ ପଂଚାୟତର ଭାସିଲ ଗାଁ ଗ୍ରାମବାସୀ ଓ ସୁନାବେଡା ଗ୍ରାମପଞ୍ଚାୟତର ଝରଲାମ, ଉପକାପାନୀ, ଶିବ ନାରାୟଣ ପୁର, ରାଜା କେନ୍ଦୁପଡା ଓ କମାଖୋଜ ଗ୍ରାମର ଶତାଧିକ ଲୋକମାନେ ରହି ଚାଉଳ ସୁବିଧା ପାଇଥିଲେ ।
ସେମାନେ ପ୍ରଥମ କରି ଦୁର୍ଗମ ଅଂଚଳରେ ବିଡ଼ିଓ ମହାଶୟଙ୍କୁ ଦେଖି ଖୁସି ଅନୁଭବ କରିଥିଲେ ।ନୂଆପଡା ଜିଲ୍ଲାର ସୁନାବେଡା ଏକ ଦୁର୍ଗମ ଓ ପାହାଡିଆ, ଅଧିବାସୀ ଅଂଚଳ. ସେଠି ଗମନାଗମନ ଅସୁବିଧା ହୁଏ । ସେହି ସ୍ଥାନକୁ ଯାଇ ବିଡ଼ିଓ ମହାଶୟ ଆଦିବାସୀମାନଙ୍କ ମୁହଁରେ ହସ ଫୁଟାଇ ଥିବାରୁ ଅଂଚଳବାସୀ ଖୁସି ହେବା ସହ ସରକାରଙ୍କ ସମସ୍ତ ଯୋଜନାର ସୁବିଧା କରିବା ପାଇଁ ବିଡ଼ିଓ ମହାଶୟଙ୍କୁ ଅନୁରୋଧ କରିଥିଲେ ।
