ସମ୍ଭାବ୍ୟ ବାତ୍ୟା ନେଇ ଆଇଏମଡି ବୈଜ୍ଞାନିକ ଆର.କେ ଜେନାମଣି ସୂଚନା ଦେଇଛନ୍ତି । ଦକ୍ଷିଣ ଆଣ୍ଡାମାନ ସାଗରରେ ୪ ତାରିଖରେ ଘୂର୍ଣ୍ଣିବଳୟ ସୃଷ୍ଟି ହେବ । କଳକ୍ରମେ ଘନୀଭୂତ ହୋଇ ୬ ତାରିଖ ସୁଦ୍ଧା ଲଘୁଚାପର ରୂପ ନେବ ।
ତେବେ ଲଘୁଚାପ ହେବା ପରେ ଏହା କେତେ ଘନୀଭୂତ ହେବ ସେନେଇ ଏବେଠୁ କହିହେବ ନାହିଁ । ବାତ୍ୟା କେତେ ପ୍ରଭାବୀ ହେବ, କେଉଁଠି ଲ୍ୟାଣ୍ଡଫଲ୍ କରିବ ଏବେ କହିହେବ ନାହିଁ । ବିଭିନ୍ନ ମଡେଲ ଅନୁସାରେ ବାତ୍ୟା ହେବା ସମ୍ଭାବନା ରହୁଥିବା କହିଛନ୍ତି ଆର.କେ ଜେନାମଣି ।
ସେହିପରି ଭାରତୀୟ ପାଣିପାଗ ବିଭାଗ ପକ୍ଷରୁ ଜାରି କରାଯାଇଛି ଦକ୍ଷିଣ ଆଣ୍ଡାମାନ ସାଗରର ଉପଗ୍ରହ ଚିତ୍ର । ଏହି ସାଟେଲାଇଟ ଇମେଜରୁ ଜଣାପଡୁଛି ସମୁଦ୍ର ଭିତରେ କିପରି ହଲଚଲ ସୃଷ୍ଟି ହୋଇଛି । ଆଣ୍ଡାମାନ ସାଗର ଭିତର କିଭଳି ଅଶାନ୍ତ ହୋଇଛି ।
ଭାରତୀୟ ପାଣିପାଗ ଆକଳନ ଅନୁସାରେ ଏହାର ପ୍ରଭାବରେ ଦକ୍ଷିଣ ଆଣ୍ଡାମାନ ସାଗର ଓ ଏହାର ଆଖପାଖ ଅଞ୍ଚଳରେ ଆସନ୍ତା ୬ ତାରିଖରେ ସୃଷ୍ଟି ହେବ ଲଘୁଚାପ ।
