୧୦ କୋଟି ଠକେଇ ମାମଲାରେ IAAVIC ପ୍ରାଇଭେଟ ଲିମିଟେଡର ଦୁଇ ନିର୍ଦ୍ଦେଶକ ଗିରଫ ହୋଇଛନ୍ତି । ଅର୍ପନ ପଟେଲ ଓ ଆଦାଜ୍ୟୋତି ନାୟକଙ୍କୁ ମୁମ୍ବାଇରୁ ଗିରଫ କରିଛି ଇଓଡବ୍ୟୁ । ୨ ଜଣଙ୍କୁ ରିମାଣ୍ଡରେ ଆଣି କଟକ କୋର୍ଟରେ ହାଜର କରାଇବ ଇଓଡବ୍ୟୁ ।
୨୦୨୦-୨୧ରେ ୱେବସାଇଟ ଖୋଲି ଲୋକଙ୍କୁ ଠକିଥିଲେ କମ୍ପାନୀର ଏହି ଦୁଇ ନିର୍ଦ୍ଦେଶକ । ଲୋକଙ୍କୁ ଅଧିକ ସୁଧ ପ୍ରଲୋଭନ ଦେଖାଇ ଠକିଥିବାର ଅଭିଯୋଗ ହୋଇଛି ଉଭୟଙ୍କ ନାଁରେ । ଓଡିଶାର ୪ ଶହ ନିବେଶକଙ୍କ ଠାରୁ ୫ କୋଟି ଠକିଛନ୍ତି ଏହି ଦୁଇ ନିର୍ଦ୍ଦେଶକ ।
ରାଜସ୍ଥାନ, ପଶ୍ଚିମବଙ୍ଗ, ଆନ୍ଧ୍ର ଓ ମଧ୍ୟପ୍ରଦେଶରେ ମଧ୍ୟ ଉଭୟ ଠକିଥିବାର ସୂଚନା ରହିଛି । ମୁମ୍ବାଇର ଏକ ସ୍ଥାନରେ ଭଡା ଘରେ ରହି ଖୋଲିଥିଲେ ଠକେଇର ସାମ୍ରାଜ୍ୟ । ତେବେ ଭଡା ଘରେ ରେଡ୍ ବେଳେ ୯୦ ହଜାର ଟଙ୍କା ସହ ମୋବାଇଲ, ଲାପଟପ ଜବତ କରାଯାଇଛି ।
