ଜନ୍ମ ସମୟରେ ଦାନ୍ତ ଉଠିଥିଲା ବୋଲି କୁକୁର ସହିତ ଏକ ଶିଶୁକନ୍ୟାର ବିବାହ କରାଯାଇଛି । ଗତକାଲି ସାରା ବିଶ୍ୱରେ ଆନ୍ତର୍ଜାତୀୟ ମହିଳା ଦିବସ ପାଳିତ ହୋଇଛି । ଗୋଟିଏ ପଟେ ସମସ୍ତେ ମହିଳାଙ୍କ ଯଷଗାନ କରାଯାଉଛି, ନାରୀ ସଶକ୍ତିକରଣ ଏବଂ ବାଲ୍ୟ ବିବାହ ରୋକିବାକୁ ବିଭିନ୍ନ ଅଭିଯାନ କରାଯାଉଛି । ତେବେ ଏହି ସମୟରେ ଗତକାଲି ଢେଙ୍କାନାଳ ଜିଲ୍ଲାର ଆଦିବାସୀ ବହୁଳ କଙ୍କଡ଼ାହାଡ଼ ବ୍ଲକରୁ ଜଣେ ନାବାଳିକାଙ୍କୁ ନେଇ ହୃଦୟ ବିଦାରକ ଚିତ୍ର ସାମ୍ନାକୁ ଆସିଛି ।
ଜନ୍ମ ସମୟରେ ମାଢିରେ ଦାନ୍ତ ଉଠିଥିବାରୁ ଅନ୍ଧବିଶ୍ୱାସ ଏବଂ ଶିଶୁର ଜୀବନ ପ୍ରତି ବିପଦ ଥିବା ଆଶଙ୍କା କରି ୧୦ ବର୍ଷର ଶିଶୁକନ୍ୟାର ଏକ କୁକୁର ସହତ ବିବାହ କରିଦିଆଯାଇଛି । ତେବେ ଏହି ଘଟଣା ସାମ୍ନାକୁ ଆସିବା ପରେ ଜଣାପଡିଛି ଯେ ପ୍ରତିବର୍ଷ ଏହିପରି ଘଟଣା ଘଟୁଛି । ଖବର ମୁତାବକ ଜିଲ୍ଲା ଶିଶୁ ସୁରକ୍ଷାପାଖରେ ଏହି ଘଟଣା ବିଷୟରେ ସୂଚନା ଥିଲେ ମଧ୍ୟ ସଚେତନତା ସୃଷ୍ଟି କରିବାକୁ ଆନ୍ତରିକତା ପ୍ରକାଶ ପାଉନାହିଁ ।
