ସୁନ୍ଦରଗଡ :-(ଓଡିଶା ହାଲଚାଲ) ବିରଳ ପ୍ରାଣୀଙ୍କୁ ନେଇ ସମୃଦ୍ଧ ହେଉଛି ଓଡିଶାର ଜଙ୍ଗଲ । ସୁନ୍ଦରଗଡ ହେମଗିରି ଗର୍ଜନ ପାହାଡରେ ପୁଣି କଳାବାଘର ଗର୍ଜନ । ବନବିଭାଗ କ୍ୟାମେରାରେ କଏଦ ହୋଇଛି ବ୍ଲାକ୍ ପାନ୍ଥର ବା ବିରଳ କଳା ବାଘ । ହେମଗିରି ଫରେଷ୍ଟ ରେଞ୍ଜର ଗର୍ଜନ ପାହାଡ ଧନୁବାଉଁସ ସଂରକ୍ଷିତ ଜଙ୍ଗଲରେ କଳାବାଘ ଠାବ ହୋଇଛି
। ପୂର୍ବରୁ ୨୦୧୮ ମସିହାରେ ଏହି ବାଘକୁ ଠାବ କରିଥିଲା ବନବିଭାଗର କ୍ୟାମେରା । ହେଲେ ସେବେଠାରୁ ଏହି ବାଘର କୌଣସି ପତ୍ତା ମିଳୁ ନଥିଲା ।
୬ ବର୍ଷ ପରେ ବନ ବିଭାଗ କ୍ୟାମେରାରେ ପୁଣି କଏଦ ହୋଇଛି କଳାବାଘର ଚିତ୍ର । ଜଙ୍ଗଲ ନିକଟବର୍ତ୍ତୀ ଅଞ୍ଚଳରେ ଗାଁ ଲୋକ କଳାବାଘକୁ ଦେଖିଥିବା କଥା କହିଛନ୍ତି । ଏହା ବନବିଭାଗ ପାଇଁ ବିରଳ ଉପଲବ୍ଧି ବୋଲି କୁହାଯାଉଛି । ୬ ବର୍ଷ ପରେ କଳାବାଘର ଉପସ୍ଥିତି ପରିବେଶବିଦଙ୍କ ଉକ୍ରଣ୍ଠା ବଢାଇ ଦେଇଛି ।
