କିଛି ଦିନର ଶାନ୍ତ ପରିସ୍ଥିତି ପରେ ପୁଣି ଚେତାବନୀ ଦେଇଛନ୍ତି ମାଓବାଦୀ । ମାଓବାଦୀ ସଂଗଠନ ,ବରଗଡ଼, ବଲାଙ୍ଗୀର ଓ ମହାସମୁନ୍ଦ ସଙ୍ଗଠନ ଏହି ବ୍ୟାନର ଲଗାଇଛି ।କିଛି ଦୋକାନୀଙ୍କୁ ତାଗିଦ କରି ବରଗଡ ଜିଲ୍ଲା ଅଞ୍ଚଳରେ ଲଗାଯାଇଛି ମାଓ ବ୍ୟାନର ।ଏହି ମାଓ ପୋଷ୍ଟର ପାଇକମାଲରୁ ପଦ୍ମପୁର ରାସ୍ତା ଭୁଲିଆବନ୍ଧ ଛକ ନିକଟରେ ଲଗାଯାଇଛି ।
ସ୍ଥାନୀୟ ଗ୍ରାମବାସୀଙ୍କ ମଧ୍ୟରୁ କିଛି ଲୋକଙ୍କୁ ସେମାନେ ପୋଲିସ ଇନଫର୍ମର ବୋଲି ସନ୍ଦେହ କରୁଛନ୍ତି । ଏହାକୁ ନେଇ ମଧ୍ୟ ପୋଷ୍ଟରରେ ଚେତାବନୀ ଦିଆଯାଇଛି ।ସଦସ୍ୟଙ୍କ ନାଁ ,ଗାଁ ସହ କିଛି ତଥ୍ୟ ପୋଲିସ୍ କୁ ନଦେବା ପାଇଁ କୁହାଯାଇଛି । ଏହା ଛଡ଼ା ଯେଉଁମାନେ ବେଶୀ ପରିମାଣର ରାସନ ସାମଗ୍ରୀ କିଣୁଛନ୍ତି ତାଙ୍କୁ ସନ୍ଦେହ କରି ପୋଲିସକୁ ଖବର ଦେଉଛନ୍ତି ଦୋକାନୀ ତେଣୁ ସେମାନଙ୍କୁ ତାଗିଦ କରିଛନ୍ତି ମାଓବାଦୀ ।
ସେମାନେ ଜାଣିଛନ୍ତି କେଉଁମାନେ ଖବର ଦେଉଛନ୍ତି, ତେଣୁ ସେମାନେ ସୁଧୁରି ଯାଆନ୍ତୁ ନଚେତ ଦଣ୍ଡିତ ହେବେ ବୋଲି ଚେତାବନୀ ଦେଇଛନ୍ତି ମାଓବାଦୀ ସଂଗଠନ । ବିଭିନ୍ନ ଗ୍ରାମର କିଛି ଲୋକଙ୍କୁ ସେମାନେ ପୋଲିସ ଇନଫର୍ମର ବୋଲି ସନ୍ଦେହ କରୁଛନ୍ତି । ସେମାନଙ୍କ ନାମ ଓ ଗ୍ରାମର ନାମ ଲେଖା ହୋଇଛି ଏବଂ ସୁଧୁରିଯିବା ପାଇଁ ଚେତାବନୀ ଦେଇଛନ୍ତି ମାଓବାଦୀ ।
