ରାତିରେ ଚାଲିଛି ପୋଲିସର ବଟି ଆଦାୟ ଖେଳ ।ନ ଦେଲେ ହଇରାଣ ଯାହାର ଭିଡିଓ ସୋସିଆଲ୍ ମିଡିଆରେ ଏବେ ଭାଇରାଲ ହେବାର ଲାଗିଛି ।
ଖବର ଅନୁଯାୟୀ, ରାତିରେ ୧୬ ନମ୍ବର ଜାତୀୟ ରାଜପଥରେ ପାଟ୍ରୋଲିଂ ବେଳେ ଏନ୍ଏଚ୍ ପାଟ୍ରୋଲିଂ ଟିମ୍ କୁକୁଡ଼ା ବୋଝେଇ ଗାଡିକୁ ବଟି ନେଉଛନ୍ତି । ଯାହାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି । ଭଦ୍ରକ ରାଣୀତାଲ୍ ନିକଟରେ ରହୁଥିବା ଓଡିଶା ପୋଲିସର ହାଇଓ୍ୱା ପାଟ୍ରୋଲିଂ ପିସିଆର୍ ଗାଡି ବିଭିନ୍ନ ସମୟରେ ଅନେକ ଗାଡିଠୁ ଟଙ୍କ ନେଉଥିବାର ଅଭିଯୋଗ ଆସୁଛି ।
ଯଦି ଏହି ସବୁ ଗାଡିଗୁଡିକ ବେଆଇନ୍ ଭାବେ ଚାଲାଣ ହେଉଛି , ତାହାଲେ ତାକୁ ସିଜ୍ କରାଯାଉ । କିନ୍ତୁ ବେଆଇନ୍ ଭାବେ ବଟି ଆଦାୟକୁ ସାଧାରଣରେ ନିନ୍ଦା ହୋଇଛି । ଭିଡିଓ ଭାଇରାଲ ପରେ ପୋଲିସର କାର୍ଯ୍ୟଧାରାକୁ ନେଇ ଏବେ ପ୍ରଶ୍ନ ଉଠିଛି । ତେବେ ପୋଲିସ ପାଟ୍ରୋଲିଂ ପିସିଆର୍ ଗାଡିର କର୍ମଚାରୀଙ୍କ ଉପରେ କି କାର୍ଯ୍ୟନୁଷ୍ଠାନ ନେଉଛି ତାହା ଦେଖିବାକୁ ବାକି ।
