ଆଖିରେ ହାତ ମାରୁ ମାରୁ ବାହାରି ଯାଉଛି ଆଖି । ଏହି ଘଟଣା ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ । ଝାଡ଼ଖଣ୍ଡ ଜାମସେଦପୁର୍ରେ ଘଟିଛି ଏପରି ଘଟଣା । ଜଣେ ବୃଦ୍ଧଙ୍କ ଆଖି ଅପରେସନ କରିବା ଆଳରେ ଅସଲି ଆଖି କାଢ଼ି ଦେଇ ନକଲି କାଚ ଗୋଲି ଲଗାଯାଇଥିବା ଖବର ସାମ୍ନାକୁ ଆସିଛି ।
ଏନେଇ ବୃଦ୍ଧ ଗଙ୍ଗାଧର ସିଂ କେସିସି ହସ୍ପିଟାଲର ପ୍ରବଦ୍ଧନା ଓ ଅପରେସନ କରିଥିବା ଡ଼ାକ୍ତରଙ୍କ ବିରୋଧରେ ଥାନାରେ ଅଭିଯୋଗ କରିଛନ୍ତି । ସୁଚନା ଅନୁସାରେ ଜାମସେଦପୁରରୁ ୬୦ କିଲେମିଟର ଦୁରରେ ଏକ ଆଦିବାସୀ ଗାଁ ଅଛି ଯେଉଁଥିରେ ପାଖାପାଖି ୧୫ ଟି ପରିବାର ବସବାସ କରନ୍ତି ।
ବୃଦ୍ଧ ଗଙ୍ଗାଧର ସିଂଙ୍କ ଘର ସେହି ଗାଁରେ ଥିବା ବେଳେ ଦୀର୍ଘଦିନରୁ ତାଙ୍କ ଆଖିରୁ ପାଣି ବାହାରୁ ଥିଲା ଓ ଯନ୍ତ୍ରଣା ମଧ୍ୟ ହେଉଥିଲା । ଠିକ୍ ଏହି ସମୟରେ ଜଣେ ମହିଳା ତାଙ୍କ ଆଖିର ଅପରେସନ କରିବା ପାଇଁ ପରାମର୍ଶ ଦେବା ସହ ସାହାର୍ଯ୍ୟ କରିବାକୁ ମଧ୍ୟ କହିଥିଲେ ।
ଗଙ୍ଗାଧରଙ୍କ ସହ ଅନ୍ୟ ୭ ଜଣ ଲୋକ ମଧ୍ୟ ଯାଇଥିଲେ ଆଖି ଅପରେସନ୍ ପାଇଁ । ସମସ୍ତଙ୍କ ଆଖି ଅପରେସନ ପରେ ଘରକୁ ପଠାଯାଇଥିଲା ହେଲେ ଗୋଟିଏ ଦିନ ପରେ ଗଙ୍ଗାଧରଙ୍କ ଆଖି କୁଣ୍ଡାଇ ହେବା ଆରମ୍ଭ କଲା ଓ ପାଣି ମଧ୍ୟ ବାହାରିଲା ।
ଏପରିକି ଆଖି କୁଣ୍ଡାଉ କୁଣ୍ଡାଉ ଗୋଟିଏ ଆଖିରୁ ନକଲି କାଚ ଗୋଲି ବାହାରି ପଡ଼ିଲା । ଯାହାକୁ ଦେଖି ସେ ଆଶ୍ଚର୍ଯ୍ୟ ହୋଇଗଲେ ।
ପରେ ଏହି ଘଟଣା ସାମ୍ନାକୁ ଆସିବା ପରେ ଜଣାପଡ଼ିଥିଲା ଯେ ଅସଲି ଆଖି ବଦଳରେ ଡ଼ାକ୍ତର ଜଣଙ୍କ ଗୋଟିଏ ଛୋଟପିଲାର ଖେଳଣା ଆଖି ଲଗାଇ ଦେଇଛନ୍ତି । ତେବେ ଏହି ଘଟଣାରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ହସ୍ପିଟାଲ କର୍ତ୍ତୁପକ୍ଷ ସୁଚନା ଦେଇଛନ୍ତି
