ବାଉଁଶୁଣି ପୋଲିସ୍ ଦ୍ବାରା ଜବତ ହୋଇଥିବା 5ଟନ୍ ବିସ୍ଫୋରକ ସାମଗ୍ରୀ ଉଡ଼ବିଲକା ଜଙ୍ଗରେ ବୌଦ୍ଧ ତହସିଲଦାର ଦେବୀ ପ୍ରସାଦ ଦାସଙ୍କ ଉପସ୍ଥିତିରେ ନଷ୍ଟ କଲା ଭୁବନେଶ୍ୱର କଣ୍ଟ୍ରଲର ଅପ ଏସକ୍ଲୋସିଭ ର ପାଞ୍ଚ ଜଣିଆ ପ୍ରତିନିଧି ଦଳ ।ସୂଚନା ଅନୁଯାୟୀ ବୌଦ୍ଧ ବ୍ଲକ ବାଉଁଶୁଣି ଥାନା ପୋଲିସ ପକ୍ଷରୁ ଗୋଛାପଡ଼ା ପଂଚାୟତ ଅନ୍ତର୍ଗତ ସିଆଲିମୁଣ୍ଡା ଛକ ନିକଟରେ ଗୋଛାପଡ଼ା ପଞ୍ଚାୟତ ର କିଛି ଗ୍ରାମବାସୀ ବିସ୍ଫୋରକ ବୋଝେଇ ଗାଡି କୁ ଧରି ବାଉଁଶୁଣି ପୋଲିସ କୁ ଖବରଦେଇଥିଲେ ।
ଗତ ଡିସେମ୍ବର 1ତାରିଖରେ ବେଆଇନ ବିସ୍ଫୋରକ ସାମଗ୍ରୀ ଜବତ ହୋଇଥିଲା,ଡ୍ରାଇଭର ରାଜେଶ୍ ପ୍ରଧାନ ଙ୍କୁ ଅଟକ ରଖାଯାଇଥିଲା ଓ ରାମଚଣ୍ଡୀ କ୍ରସର ର ମାଲିକ ଶ୍ରୀନିବାସ ମିଶ୍ର ଙ୍କ ନାମରେ ମାମଲା ରୁଜୁ କରିଥିଲା । ମାନ୍ୟବର କୋଟ ର ନିଦ୍ଦେଶ କ୍ରମେ ବୁଧବାର ଦିନ 11ଘଣ୍ଟା ସମୟରେ ଉଡ଼ବିଲକା ଜଙ୍ଗଲ ର ଏକ ମାଇନ୍ସ ରେ ପ୍ରାୟ ପାଞ୍ଚ ଘଣ୍ଟା ଧରି ବେଆଇନ ବିସ୍ଫୋରକ ସାମଗ୍ରୀକୁ ନଷ୍ଟ କରାଯାଇଛି ।ଏଥିରେ ଭୁବନେଶ୍ୱର ରୁ ପାଞ୍ଚ ଜଣିଆ ପ୍ରତିନିଧି ଦଳ ଆସି ନଷ୍ଟ କରିଛନ୍ତି । ବୌଦ୍ଧ ତହସିଲଦାର ଦେବୀ ପ୍ରସାଦ ଦାସ ଙ୍କ ଉପସ୍ଥିତିରେ ଜବତ ହୋଇଥିବା ପାଞ୍ଚ ଟନ ବିସ୍ଫୋରକ ସାମଗ୍ରୀ ନଷ୍ଟ କରାଯାଇଛି ।
ବାଉଁଶୁଣି ପୋଲିସ ଦ୍ବାରା ଜବତ୍ ହୋଇଥିବା ବିସ୍ପୋରକ ଗାଡି ଖୋଲାଯିବା ସହ ସମସ୍ତ ସାମଗ୍ରୀ ପୋଡାଯାଇଥିବା ଦେଖିବାକୁ ମିଳିଛି । ଉକ୍ତ ଗାଡି ଖୋଲାଯିବା ପରେ ଶକ୍ତି ପ୍ରାଇମ୍ କମ୍ପାନୀର ୨୫ କିଲୋଗ୍ରାମ ଓଜନର ୨୦୦ ପ୍ୟାକେଟ ବିସ୍ପୋରକ ସାମଗ୍ରୀ ବାହାରିବା ସହ ୩୯୦ ଟି ନନ୍ ଇଲେକ୍ଟ୍ରିକାଲ ଡେଟାନର୍,୫୦ ଟି ଇଲେକ୍ଟ୍ରିକାଲ ଡେଟାନର୍ ଓ ୧୫ ଶହ ମିଟର ତାର ବାହାରିଥିବା ବାଉଁଶୁଣି ଭାରପ୍ରାପ୍ତ ଥାନା ଅଧିକାରୀ ଅରୁଣ ସିଂ ସୁଚନା ଦେଇଛନ୍ତି।
