ନବରଙ୍ଗପୁର ଜିଲ୍ଲା ଅବକାରୀ ଅଧିକ୍ଷକ ସନ୍ତୋଷ କୁମାର ଧଳସାମନ୍ତ ଙ୍କ ନିର୍ଦ୍ଦେଶ କ୍ରମେ ଓ ନବରଙ୍ଗପୁର ଅବକାରୀ ନିରୀକ୍ଷକ ସୁଧୀର କୁମାର ସାହୁ ଙ୍କ ନେତୃତ୍ୱରେ ଆଜି କୋଷାଗୁମୁଡ଼ା ପୁଲିସ ସହ ମିଳିତ ଚଡାଉ ରେ ବିପୁଳ ପରିମାଣରେ ଦେଶୀ ମଦ ସହ ମହୁଲ ପୋଚ କୁ ଜବତ କରିଛି ଅବକାରୀ ବିଭାଗ । ଚଡାଉ ସମୟରେ ଜଣକ ଙ୍କ ଘର ଭିତରେ ଏକ ମାଟି ତଳେ ଥିବା ଗୁପ୍ତ କୋଠରୀ ରୁ ବହୁ ପରିମାଣର ଦେଶୀ ମଦ ସହ ରନ୍ଧା ସାମଗ୍ରୀ ଜବତ କରାଯାଇଥିବା ଜଣାପଡିଛି ।
ଏଥିରେ ସମ୍ପୃକ୍ତ ଦୁଇଜଣ ଚୋରା ମଦ ବେପାରୀଙ୍କୁ ଗିରଫ କରିଥିବା ଜଣାପଡିଛି । ମିଳିଥିବା ସୂଚନା ଅନୁଯାଇ କୋଷାଗୁମୁଡ଼ା ଥାନା ଅନ୍ତର୍ଗତ ନେଇଗାଁ , ଦାଡିଆଗୁଡା , ଲାଣ୍ଡୁଗୁଡା ଓ ରାଜୋଡା ଗ୍ରାମରେ ଚଡାଉ କରାଯାଇ ପ୍ରାୟ ୧୫୦ ଲିଟର ଦେଶୀ ରନ୍ଧା ମଦ ଓ ପ୍ରାୟ ୧୫୦୦ ଲିଟର ମହୁଲ ପୋଚ କୁ ଜବତ କରାଯାଇଛି ।
ଏଥିସହ ରାଜୋଡା ଗ୍ରାମର ଯୋଜନା ବିଶୋଇ ଓ ରାମକୃଷ୍ଣ ବିଶୋଇ ଙ୍କୁଠାରୁ ମଦ ଓ ପୋଚ ଜବତ କରି ଦୁହେଁ ଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଛି । । ଏହି ଚଡାଉ ରେ କୋଡ଼ିଙ୍ଗା ଅବକାରୀ ବିଭାଗର କର୍ମଚାରୀ ସହ କୋଷାଗୁମୁଡ଼ା ପୁଲିସ କର୍ମଚାରୀ ସାମିଲ ଥିଲେ
