କଳାହାଣ୍ଡି ଜିଲ୍ଲା ଭବାନିପାଟଣା ରାୟପୁର 16 ନମ୍ବର ରାଜ୍ଯ ରାଜପଥ ପାଷ୍ଟିପଡା ନିକଟରେ ଭୋର 5,30 ସମୟରେ ଭାରସାମ୍ଯ ହରାଇ ଗ୍ୟାସ ଟ୍ୟାଙ୍କର ପଡିଯାଇଛି। ଟ୍ୟାଙ୍କରୁ ଗ୍ୟାସ ନିର୍ଗତ ହେଉଥିବା ବେଳେ ସ୍ଥାନୀୟ ଅଞ୍ଚଳରେ ଭୟ ର ବାତାବରଣ ଦେଖା ଦେଇଛି । ପ୍ରଶାସନ ପକ୍ଷରୁ ଉଭୟ ପଟେ ଯାତାୟତ ବନ୍ଦ ରହିଛି । ତେବେ ଗ୍ୟାସ ଲିକେଜ୍ ହେବାରୁ ସ୍ଥାନୀୟ ଲୋକ ଭୟଭୀତ ହୋଇ ପଡିଛନ୍ତି ।
ଘଟଣାସ୍ଥଳ ରେ ଭବାନୀପାଟଣା ରୁ ଅଗ୍ନିଶମ ବିଭାଗ ପହଞ୍ଚି ଗ୍ୟାସ ନିର୍ଗତ କୁ ବନ୍ଦ କରିବା ପାଇଁ ପ୍ରୟାସ ଜାରି ରହିଛି । ଗ୍ୟାସ ନିର୍ଗତ ହେଉଥିବାରୁ ସୁରକ୍ଷା କୁ ଦୃଷ୍ଟିରେ ରଖି ଥୁଆପଦର , କର୍ଲାଗୁଡା, ପାଷ୍ଟିପଡା ସମେତ ଅନେକ ଗ୍ରାମରେ ଘରୋଇ ଗ୍ୟାସ ବନ୍ଦ କରିବା ସହ ରୋଷେଇ ବନ୍ଦ କରାଯାଇଛି ଓ ବିଦ୍ୟୁତ ବିଛିନ୍ନ କରାଯାଇଛି । ଘଟଣାସ୍ଥଳ ରୁ 2 କିଲୋମିଟର ରୁ ଲୋକଙ୍କୁ ପ୍ରବେଶ କୁ ମନା କରାଯାଇଥିବା ବେଳେ ଘଟଣାସ୍ଥଳ ରୁ ଇଲେକ୍ଟ୍ରୋନିକ୍ସ ଡିଭାଇସ, ମୋବାଇଲ, ପାୱାର ବ୍ୟାଙ୍କ ବାରଣ କରାଯାଇଛି ।
ମିଳିଥିବା ସୁଚନା ଅନୁସାରେ ବଲାଙ୍ଗୀର ରୁ ଏକ ଟେକ୍ନିକାଲ ଟିମ ଆସିବା ପରେ ଗ୍ୟାସ ନିର୍ଗତ କୁ ବନ୍ଦ କରିବା ପାଇଁ ପ୍ରୟାସ କରାଯିବ । ଅଗ୍ନିଶମ ବିଭାଗ ପକ୍ଷରୁ ଗ୍ୟାସ ନିର୍ଗତ ଟ୍ୟାଙ୍କର ଅଞ୍ଚଳରେ ପାଣି ଛିଞ୍ଚନ କରାଯାଉଛି । ଘଟଣାସ୍ଥଳ ରେ କଳାହାଣ୍ଡି ଜିଲ୍ଲାପାଳ ପି ଅନ୍ବେଷା ରେଡ୍ଡୀ , କଳାହାଣ୍ଡି ଏସପି ଅଭିଳାଷ ଜି , ଉପଜିଲ୍ଲାପାଳ, ବିଡିଓ, ଏସଡିପିଓ, ସଦରଥାନା ଅଧିକାରୀ ପହଞ୍ଚି ଲୋକଙ୍କ ସୁରକ୍ଷା କୁ ଦୃଷ୍ଟିରେ ରଖି କଡାକଡି କରାଯାଇଛି ।
