ସମଗ୍ର ବିଶ୍ୱରେ କରୋନାର ପ୍ରକୋପ ଜାରି ଥିବା ବେଳେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏବାବଦରେ ବିଶେଷଜ୍ଞମାନଙ୍କ ସହିତ କଥା ହେଉଛି । ମିଡିଆ ରିପୋର୍ଟ ଅନୁସାରେ କରୋନା ମହାମାରୀର ଶେଷ ନେଇ ଖୁବ ଶୀଘ୍ର ଘୋଷଣା ହୋଇପାରେ । ଏନେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ବିଚାର-ବିମର୍ଶ କରୁଛି । କରୋନା ଭାଇରସ ଆରମ୍ଭ ହେବା ୨ ବର୍ଷ ଅତିକ୍ରାନ୍ତ କରିଛି । ଏବେ ଏହାର ଶେଷ ନେଇ ଘୋଷଣା କରାଯାଇପାରେ । କିନ୍ତୁ ପୂରା ବିଶ୍ୱରେ ଏହାର ପ୍ରଭାବ କ’ଣ ରହିବ ସେ ନେଇ ସମସ୍ତଙ୍କର ଚିନ୍ତା ବଢ଼ିଛି ।
ମାତ୍ର ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ, ମହାମାରୀର ଅନ୍ତର ଘୋଷଣା ତୁରନ୍ତ କରାଯିବା ନେଇ ବିଚାର କରାଯାଉନାହିଁ । ପୂରା ବିଶ୍ୱର ଅଧିକାଂଶ ଦେଶରେ ନୂଆ ମାମଲାରେ ହ୍ରାସ ପାଇଛି । ହଙ୍ଗକଙ୍ଗରେ ମୃତ୍ୟୁ ଦର ବଢ଼ିଛି । ଚୀନରେ ୨ ବର୍ଷ ପରେ ପ୍ରଥମ ଥର ପାଇଁ ଏହି ସପ୍ତାହରେ ୧୦୦୦ରୁ ଅଧିକ ନୂଆ ଦୈନିକ ମାମଲା ଚିହ୍ନଟ ହୋଇଛି । ବିଶ୍ୱ ସ୍ୱାସ୍ଥ୍ୟ ସଂଗଠନ କହିଛି ଯେ, କୋଭିଡ-୧୯ ଉପରେ ଅନ୍ତର୍ଜାତୀୟ ସ୍ୱାସ୍ଥ୍ୟ ବିନିୟମ ଜରୁରୀକାଳୀନ ସମିତି ମହାମାରୀ ଶେଷ ଘୋଷିତ କରିବା ଲାଗି ଜରୁରୀ ମାନଦଣ୍ଡର ଯାଞ୍ଚ କରୁଛି ।
