ବହୁ ପ୍ରତିକ୍ଷିତ ଏସଏସ ରାଜାମୌଲିଙ୍କ ନିର୍ଦ୍ଦେଶିତ, ଜୁନିଅର ଏନଟିଆର ଏବଂ ରାମ ଚରଣ ଅଭିନିତ ‘ଆରଆରଆର’ ଶେଷରେ ମୁକ୍ତିଲାଭ କରିଛି । ଫିଲ୍ମର ଟ୍ରେଲର ଏବଂ ଗୀତ ବହୁ ପୁର୍ବରୁ ଭାଇରାଲ ହୋଇସାରିଛି । ଏଭଳି ପରିସ୍ଥତିରେ ପ୍ରଶଂସକମାନେ ଶାନ୍ତ ରହିପାରିବେ ବା କିପରି । ‘ଆରଆରଆର’ ରିଲିଜ ହେବାର ପ୍ରଥମ ଦିନରେ ପ୍ରଶଂସକମାନେ ସିନେମା ଘର ଆଗରେ ଲମ୍ବା ଧାଡ଼ି ଲଗାଉଥିବା ଦେଖିବାକୁ ମିଳିଛି । କହିବାକୁ ଗଲେ ‘ଆରଆରଆର’ ବକ୍ସ ଅଫିସରେ ଝଡ଼ ସୃଷ୍ଟି କରିଛି ।
ଭାରତରେ ଏହି ଫିଲ୍ମର ହିନ୍ଦୀ ସଂସ୍କରଣ ପ୍ରଥମ ଦିନରେ ୧୮ କୋଟି ଟଙ୍କା ରୋଜଗାର କରିଛି। ଆମେରିକାରେ ମଧ୍ୟ ବହୁତ ଭଲ ବ୍ୟବସାୟ କରୁଛି । ପ୍ରଥମ ଦନରୁ ହିଁ ଏହି ଫିଲ୍ମ ବକ୍ସ ଅଫିସରେ ଗର୍ଜନ କରୁଛି । ସେହିଭଳି ତେଲୁଗୁ ଭାଷାରେ ଏହି ଚଳଚ୍ଚିତ୍ର ସମସ୍ତ ରେକର୍ଡ ଭାଙ୍ଗି ୧୦୦ କୋଟିରୁ ଅଧିକ ଆୟ କରିଛି। ହିନ୍ଦୀ ଏବଂ ତେଲୁଗୁ ବ୍ୟତୀତ ଫିଲ୍ମ ‘ଆରଆରଆର’ ତାମିଲ, କନ୍ନଡ ଏବଂ ମାଲାୟାଲମ୍ ଭାଷାରେ ମଧ୍ୟ ମୁକ୍ତିଲାଭ କରିଛି ।
