ରାଜ୍ୟରେ ହିଟ୍ ୱେଭ୍ ନେଇ ସତର୍କ କଲା ଏସଆରସିଙ୍କ କାର୍ଯ୍ୟାଳୟ । ତେବେ ଗ୍ରୀଷ୍ମପ୍ରବାହ ନେଇ ସତର୍କ ରହିବାକୁ ୯ ଜିଲ୍ଲାର ଜିଲ୍ଲାପାଳଙ୍କୁ କାର୍ଯ୍ୟାଳୟ ପକ୍ଷରୁ ଚିଠି ଲେଖାଯାଇଛି ।
ଅନୁଗୁଳ, ବୌଦ୍ଧ, ବଲାଙ୍ଗିର, ଦେବଗଡ, ଝାରସୁଗୁଡା, ମୟୂରଭଞ୍ଜ, ସମ୍ବଲପୁର, ସୋନପୁର, ସୁନ୍ଦରଗଡ ଜିଲ୍ଲାପାଳଙ୍କୁ ଚିଠି ଲେଖାଯାଇଛି । ଆସନ୍ତା ୩୦ ତାରିଖ ପର୍ଯ୍ୟନ୍ତ ଆଇଏମଡି ୟେଲୋ ୱାର୍ଣ୍ଣିଂ ଜାରି ରଖିଛନ୍ତି । ଏହାସହିତ ପରିସ୍ଥିତିକୁ ଦେଖଇ ପଦକ୍ଷେପ ନେବାକୁ ନିର୍ଦ୍ଦେଶନାମା ଜାରି କରାଯାଇଛି ।
ସେପଟେ ରାଜ୍ୟରେ ଆଉ ୪ରୁ ୫ ଦିନ ପ୍ରଚଣ୍ଡ ତାତି ଲାଗି ରହିବ । ଆଭ୍ୟନ୍ତରୀଣ ଓଡିଶାରେ ତାତି ୧ରୁ ୨ ଡିଗ୍ରୀ ବଢିପାରେ । ହେଲେ ଦକ୍ଷିଣ ଓ ଉପକୂଳ ଓଡିଶାରେ ହିଟ ୱେଭ୍ ହେବାର ସମ୍ଭାବନା ନାହିଁ । ଏହି ସମୟରେ ଘଡଘଡି ସହ ଯେଉଁ ବର୍ଷା ହୋଇଥାଏ ତାହା କମ ରହିଛି । ଦକ୍ଷିଣ ଓ ଉପକୂଳରେ ଆଗାମୀ ୫ ଦିନ କିଛି ସ୍ଥାନରେ ବର୍ଷା ହୋଇପାରେ ।
