କେନ୍ଦ୍ରାପଡ଼ା:-(ନି:ପ୍ର: ଓଡିଶା ହାଲଚାଲ ) ଶ୍ରୀ ଶ୍ରୀ ବାୟାବାବା ମହାବିଦ୍ୟାଳୟ ମହାକାଳପଡ଼ା ର ଯୁକ୍ତ ଦୁଇ ଦିତୀୟ ବର୍ଷ ର ଛାତ୍ରୀ ଆତ୍ମହତ୍ୟା ଘଟଣା ନେଇ ଛାତ୍ର,ଛାତ୍ରୀ, ଅଧ୍ୟାପକ ଓ ଅଧ୍ୟାପିକା ମାନଙ୍କ ମଧ୍ୟରେ ଶୋକର ଛାୟା ଖେଳିଯାଇଛି l ସୁଚନା ରୁ ଜଣାପଡଛି କେତେଜଣ ଛାତ୍ରୀ ଶିଖର ଗ୍ରାମରେ ମେସେ କରି ରହି ଆସୁଥିବା ବେଳେ ମଙ୍ଗଳବାର ସକାଳୁ ଜଣେ ଛାତ୍ରୀଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି ।
ମୃତ ଛାତ୍ରୀ ଜଣକ ମହାକାଳପଡ଼ା ଥାନା ଅଞ୍ଚଳ ବଳିପାଳ ଗ୍ରାମ ନରହରି ଦାସ ଙ୍କ ଏକମାତ୍ର କନ୍ୟା ନନ୍ଦିନୀ ଦାସ ବୋଲି ଜଣାପଡିଛି l ସରସ୍ବତୀ ପୂଜା ନିମନ୍ତେ ଘରକୁ ଯାଇ ହସି ଖେଳି ସୋମବାର ଦିନ ମେସକୁ ଫେରିଥିବା ବେଳେ ମଙ୍ଗଳବାର ଦିନ ସକାଳୁ ହଠାତ ଝିଅର ଆତ୍ମହତ୍ୟା ଖବର ପାଇ ପରିବାର ଲୋକେ ହତବାକ ହେବାକଥା ପିତା ଅଭିଯୋଗ ରେ ଉଲ୍ଲେଖ କରିଛନ୍ତି l ଛାତ୍ରୀ ଜଣକ ମେସ ଘର ଫ୍ୟାନରେ ଚୁନି ଲଗାଇ ଆତ୍ମହତ୍ୟା ଉଦ୍ୟମ କରୁଥିଲେ l
ଏହି ଘଟଣା ଜାଣିବା ପରେ ଆହତ ଛାତ୍ରୀଙ୍କୁ ଉଦ୍ଧାର କରାଯାଇ ଚିକିତ୍ସା ପାଇଁ ମହାକାଳପଡ଼ା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା l ଛାତ୍ରୀ ମେଡ଼ିକାଲରେ ପହଂଚିବା ପରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ l ଅନ୍ୟପକ୍ଷରେ ନନ୍ଦିନୀଙ୍କ ପିତା ଝିଅ ଆତ୍ମ ହତ୍ୟାର ର କାରଣ ଅସ୍ପଷ୍ଟ ନେଇ ମହାକାଳପଡ଼ା ଥାନାରେ ଅଭିଯୋଗ କରିଛନ୍ତି l ଅଭିଯୋଗ ପରେ ମହାକାଳପଡ଼ା ପୋଲିସ କେନ୍ଦ୍ରାପଡା ଜିଲ୍ଲା ହସ୍ପିଟାଲ କୁ ଶବ ବ୍ୟବଛେଦ ପାଇଁ ପଠାଇଥିବା ବେଳେ ମୃତ୍ୟୁ ର କାରଣ ନେଇ ଅନୁସନ୍ଧାନ ଜାରି ରଖିଥିବାର ଜଣାପଡିଛି l
