ଗୁରୁବାର ଛେଳି ଓ ମୋବାଇଲ ଚୋରି କରିବାକୁ ଆସି ଧରାପଡି ଛେଚା ଖାଇଲେ ଦୁଇ ଯୁବକ । ଏଭଳି ଘଟଣା ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ ଦେଖିବାକୁ ମିଳିଛି ।ମଧ୍ୟରାତ୍ରରେ ଉଦଳା ଆଡୁ ଏକ ବୋଲେରୋ ଗାଡ଼ିରେ ୫ ଯୁବକ ଛେଳି ଚୋରି କରି ଆସୁଥିଲେ ।
ସଜନାଗଡ଼ ଭାଲୁକାଶୁଣି ଜଙ୍ଗଲରେ ଦମ୍ପତ୍ତି ଏକ ବାଇକରେ ଫେରୁଥିବା ସମୟରେ ତାଙ୍କୁ ଦୁର୍ବୃତ୍ତ ମାନେ ଅଟକାଇ ଭ୍ୟାନିଟି ବ୍ୟାଗ ଓ ମୋବାଇଲ ଛଡାଇ ଆଣିଥିଲେ । ପରେ ଅନ୍ୟ ଏକ ଗାଡି ଆସିବାରୁ ମହିଳା ଜଣକ ସବୁ କଥା କହିଥିଲେ । ସେ ଫୋନ କରିଦେବାରୁ ଘାଟଘର ସାହି ଅଞ୍ଚଳରେ ବୋଲେରୋ ଗାଡି ସହ ଦୁର୍ବୃତ୍ତମାନଙ୍କୁ ଅଞ୍ଚଳବାସୀ ଅଟକାଇ ଥିଲେ ।
ମାରଣାସ୍ତ୍ର ଦେଖାଇ ୨ଜଣ ଯୁବକ ଖସି ଯାଇଥିବା ବେଳେ ୩ଜଣଙ୍କୁ ଅଟକ ରଖିଥିଲେ । ତେବେ ସେହି ୩ ଜଣଙ୍କୁ ଖୁଣ୍ଟିରେ ବାନ୍ଧି ନିର୍ଦ୍ଧୁମ ଛେଚିଛନ୍ତି ଅଞ୍ଚଳବାସୀ । ପରେ ନୀଳଗିରି ପୋଲିସ ଘଟଣା ସ୍ଥଳରେ ପହଞ୍ଚି ୩ ଜଣ ଚୋରଙ୍କୁ ଉଦ୍ଧାର କରି ଗାଡିଟିକୁ ଜବତ କରିଛନ୍ତି । ଆଜି ଗିରଫ ଚୋରଙ୍କୁ କୋର୍ଟ ଚାଲାଣ କରାଯିବ।
