ନବରଙ୍ଗପୁର:-(ରିପୋର୍ଟ :-ଗୁଲସନ କୁମାର )ରାଇଘର ବ୍ଲକ ସୀମାନ୍ତ କୁନ୍ଦେଇ ପଂଚାୟତର ସେମରଡିହି ଜଂଗଲ ଗ୍ରାମରେ ପୁଣି ଦୀର୍ଘ ଦିନ ବ୍ୟବଧାନ ରେ ଛତିଶଗଡ଼ ଅଂଚଳରୁ ହାତୀପଲ ଓଡିଶାରେ ପ୍ରବେଶ କରିଥିବା ଦେଖିବାକୁ ମିଳିଛି| ଗତକାଲି ବିଳମ୍ବିତ ରାତିରେ ଛୋଟ ବଡ଼କୁ ମିଶାଇ ୩୨ ଗୋଟି ହାତୀ ବିଶିଷ୍ଟ ହାତୀପଲ ସୀମାନ୍ତରେ ଥିବା ସେମରଡିହି ଅଞ୍ଚଳରେ ପ୍ରବେଶ କରିଥିଲେ |
ସେ ଅଂଚଳରେ ଥିବା କିଛି ଅସ୍ଥାୟୀ କୁଡ଼ିଆ ଗୁଡିକୁ ଭାଙ୍ଗି ଦେଇଥିଲେ | ସେ ଅଂଚଳର ଲୋକେ ଏହା ଦେଖି ଏବେ ଭୟଭୀତ ଅବସ୍ଥାରେ ରହୁଥିବା ବେଳେ କୁନ୍ଦେଇ ବନ ବିଭାଗ ପକ୍ଷରୁ ସେ ଅଂଚଳରେ ପହରା ଦେବା ଆରମ୍ଭ କରି ଦେଇଛନ୍ତି |
ବନ ବିଭାଗ ପକ୍ଷରୁ ଦିନ ରାତି ଏହି ଜଂଗଲ ଅଂଚଳରେ ପହଂଚି ଅନୁଧ୍ୟାନ କରୁଛନ୍ତି | ବର୍ତ୍ତମାନ ମକା ଓ ଧାନ ଫସଲ ଅମଳ ହୋଇ ସାରିଛି, ଖାଦ୍ୟ ନିମନ୍ତେ ଚାଷ ହୋଇଥିବା ବିରି, କୋଳଥ,ହରଡ଼ ଚାଷ ଉପରେ ଏବେ ଏହିି ହାତୀପଲର ନଜର ରହିଛି ଏହି ଫସଲ କୁ ହାତି ବ୍ୟାପକ ନଷ୍ଟ କରିବା ସମ୍ଭାବନା ରାହିଛି |
