ବିଜେବି କଲେଜ ଛାତ୍ରୀ ରୁଚିକା ମହାନ୍ତିଙ୍କ ଆତ୍ମହତ୍ୟା ଘଟଣାକୁ ଏହାରି ଭିତରେ ସପ୍ତାହେ ପୁରି ସାରିଛି । ଏନେଇ ପୋଲିସ ଟିମ ତଦନ୍ତ ଜାରି ରଖିଛି । ହେଲେ ଏଯାଏଁ ଆତ୍ମହତ୍ୟାର ପ୍ରକୃତ କାରଣ ଜଣାପଡିନାହିଁ । ଏହାସହିତ ରାଗିଂ କରିଥିବା ୩ ସିନିଅରଙ୍କର ପତ୍ତା ବି ମିଳୁନାହିଁ ।
ସେପଟେ ହଷ୍ଟେଲରେ ଛାତ୍ରୀମାନଙ୍କୁ ପୋଲିସ ପଚରାଉଚରା କରୁଛି । ରୁଚିକା ଆତ୍ମହତ୍ୟାର ତଦନ୍ତ ପାଇଁ ଏକ ୩ ଜଣିଆ ସ୍ୱତନ୍ତ୍ର ଟିମ ଗଠନ କରାଯାଇଛି । କଲେଜର ପ୍ରାୟ ୧୪୩ ଜଣ ସିନିଅରଙ୍କୁ ଜେରା କରାଯାଇଛି ।
ସେହିପରି ରୁଚିକାଙ୍କ ପରିବାର ଲୋକଙ୍କୁ ମଧ୍ୟ ପୋଲିସ ତଦନ୍ତ ପରିସରଭୁକ୍ତ କରିଛି । ବିଜେବି କଲେଜ ମୁଖ୍ୟ ଫାଟକ ସାମ୍ନାରେ ଛାତ୍ର ସଂଗଠନ ସହ ରୁଚିକାଙ୍କ ମା ୬ ଦିନ ଧରି ଧାରଣାରେ ବସିଛନ୍ତି । ଏହା ପରେ ବି ୩ ସିନିଅରଙ୍କୁ ଧରି ପାରିନି ପୋଲିସ ।
