ସାଲେପୁର:-(ରିପୋର୍ଟ-ତୁଷାର ଜ୍ୟୋତି ନାୟକ )କୋଟାକ ସିକୁରିଟି ନାମକ ସଂସ୍ଥା ସେଆର ମାର୍କେଟ ନାମରେ କୋଟି କୋଟି ଟଙ୍କା ଠକିବା ଅଭିଯୋଗରେ ହିତେଶ ଷଢଙ୍ଗି ନାମକ ଯୁବାକୁ ଅଟକ ରଖି ତଦନ୍ତ ଚଳାଇଛି। ଆଜି ସାଲେପୁର ସ୍ଥିତ ତାର ଅଫିସକୁ ପୋଲିସ ହିତେଶକୁ ନେଇ ଲାପଟପ, ସ୍କାନର, ପ୍ରିଣ୍ଟର ସହ ଅନ୍ୟାନ୍ୟ ସାମଗ୍ରୀ ଜବତ କରି ଥାନାକୁ ଆଣିଛି।
ଲିଖିତ ଅଭିଯୋଗ ଆସିବା ପରେ ସାଲେପୁର ପୋଲିସ ତଦନ୍ତ ଜାରି ରଖିଛି। ଅଭିଯୋଗ ଅନୁଯାୟୀ ହିତେଶ ସେଆର ମାର୍କେଟ ରେ ଟଙ୍କା ଲଗାଇ ଅଧିକ ଲାଭ ଦେବାର ପ୍ରଲୋଭନ ଦେଖାଇ ଲୋକମାନଙ୍କ ଠାରୁ ଟଙ୍କା ଆଣୁଥିଲେ। ଏହି ଭଳି ଚିଟଫଣ୍ଡ ସଂସ୍ଥା ବିଭିନ୍ନ ସ୍ଥାନରେ ମୁଣ୍ଡ ଟେକୁଥିବା ନଜରକୁ ଆସୁଛି।
ଏହା ଉପରେ କଡା କାର୍ଯ୍ୟାନୁଷ୍ଠାନ ପାଇଁ ସାଧାରଣରେ ଦାବି ହେଉଛି। ହିତେଶ ସହିତ ଅନ୍ୟ କେଉଁମାନେ ଏହି ଘଟଣାରେ ସାମିଲ ଅଛନ୍ତି ସାଲେପୁର ପୋଲିସ ତଦନ୍ତ ଚଳାଇଛି।
