୧୫୦୦୦ ଫୁଟ ଉଚ୍ଚତାରେ ଗଣତନ୍ତ୍ର ଦିବସ ପାଳନ କଲେ ଆଇଟିବିପି ଯବାନ, ଦେଶବାସୀଙ୍କୁ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ ମୋଦୀ
ଗଣତନ୍ତ୍ର ଦିବସ ଅବସରରେ ରାଜପଥରେ ଆୟୋଜିତ ପରେଡରେ ଦେଶର ବିଭିନ୍ନ ରାଜ୍ୟର ପ୍ରଜ୍ଞାପନ ମେଢ ପ୍ରଦର୍ଶିତ କରାଯିବ। ଜାତୀୟ ରାଜଧାନୀ ଦିଲ୍ଲୀର ରାଜପଥରେ ଗଣତନ୍ତ୍ର ଦିବସ ପାଳନ କରିବାର ଦୃଶ୍ୟ ବିଶେଷ ହେବ। କାରଣ ଏଥର କିଛି ଜିନିଷ ପ୍ରଥମ ଥର ପାଇଁ ଗଣତନ୍ତ୍ର ଦିବସ ପରେଡରେ ଦୃଶ୍ୟମାନ ହେବ ଏବଂ କିଛି ପରମ୍ପରାରେ ପରିବର୍ତ୍ତନ ଦେଖାଯିବ । ରାଜଧାନୀରେ ସୁରକ୍ଷା କଡାକଡି କରାଯାଇଛି। ଦେଶ ମଧ୍ୟ ଏଥର ସ୍ୱାଧୀନତାର ୭୫ ବର୍ଷ ପୂରଣ କରୁଛି। ଯାହାକୁ ‘ଆଜାଦି କା ଅମୃତ ମହୋତ୍ସବ’ ଭାବରେ ପାଳନ କରାଯାଉଛି ।
ଉତ୍ସବରେ ଏହାର ଝଲକ ମଧ୍ୟ ଦେଖିବାକୁ ମିଳିବ। ଚଳିତ ବର୍ଷ ସାଧାରଣ ଅପେକ୍ଷା ଅଧ ଘଣ୍ଟା ବିଳମ୍ବରେ ଆରମ୍ଭ ହେବ। ଏଥିରେ ଦେଶର ୪୮୦ ରୁ ଅଧିକ ନୃତ୍ୟଶିଳ୍ପୀଙ୍କ ସାଂସ୍କୃତିକ ପ୍ରଦର୍ଶନ ବ୍ୟତୀତ ଏବଂ ୨୧ ଟି ପ୍ରଜ୍ଞାପନ ମେଢ, ପରେଡରେ ଭାରତୀୟ ବାୟୁସେନା ଦ୍ୱାରା ଏକ ଗ୍ରାଣ୍ଡ ୭୫ ବିମାନ ଫ୍ଲାଇପ୍ୟାଷ୍ଟ ମଧ୍ୟ ପ୍ରଦର୍ଶିତ ହେବ ।
ସାଧାରଣତନ୍ତ୍ର ଦିବସ ଅବସରରେ ଇଣ୍ଡୋ-ତିବ୍ଦତୀୟ ସୀମା ପୋଲିସ୍ (ଆଇଟିବିପି) ହିମବୀର ଯବାନମାନେ ଲଦାଖରେ -୩୫ ଡିଗ୍ରୀ ସେଲସିୟସ୍ ତାପମାତ୍ରାରେ ୧୫,୦୦୦ ଫୁଟ ଉଚ୍ଚତାରେ ଭାରତର ୭୩ ତମ ଗଣତନ୍ତ୍ର ଦିବସ ପାଳନ କରିଛନ୍ତି ।
