ଭାରତର ସମ୍ବିଧାନ ପ୍ରଣେତା ଡ. ଭୀମ ରାଓ ଆମ୍ବେଦକର ଆଜିର ଦିନରେ ୧୮୯୧ରେ ମଧ୍ୟପ୍ରଦେଶର ମହୁ ଠାରେ ଜନ୍ମଗ୍ରହଣ କରିଥିଲେ । ଆଧୁନିକ ଭାରତର ନିର୍ମାଣରେ ବାବା ସାହେବ ଆମ୍ବେଦକରଙ୍କ ଭୂମିକା ଅତୁଳନୀୟ ଓ ସ୍ମରଣୀୟ । ସେଥି ପାଇଁ ତାଙ୍କୁ କୌଣସି ଭାରତୀୟ ଭୁଲିପାରିବ ନାହିଁ ।
ରାମଜୀ ମାଲୋଜୀ ସକପାଲ ଏବଂ ଭୀମାବାଇଙ୍କ ସୁଯୋଗ୍ୟ ସନ୍ତାନ ଥିଲେ ଭୀମରାଓ ଆମ୍ବେଦକର । ସେ ଏଭଳି ଏକ ହିନ୍ଦୁ ପରିବାରରେ ଜନ୍ମଗ୍ରହଣ କରିଥିଲେ, ସେଠାରେ ଜାତିପ୍ରଥା ଥିଲା । ସମାଜର ଉଚ୍ଚ ଜାତିର ଲୋକେ ନିମ୍ନ ଜାତିର ଲୋକଙ୍କୁ ଛୁଇଁବାକୁ ଘୃଣା କରୁଥିଲେ । ଏଭଳି ଭାବରେ ସମାଜରେ ଭେଦଭାବ ସୃଷ୍ଠି କରାଯାଉଥିଲା । ଏହାକୁ ଭୀମରାଓ ଅପମାନ ମନେ କରୁଥିଲେ ।
ସାମାଜିକ ସମାନତା ଏବଂ ସାମାଜିକ ନ୍ୟାୟରେ ପରିବର୍ତ୍ତନ ଆଣିବାରେ ଆମ୍ବେଦକରଙ୍କ ନାମ ଆସିଥାଏ । ସେ ବାବା ସାହେବ ନାମରେ ମଧ୍ୟ ପରିଚୟ ହାସଲ କରିଥିଲେ । ଏକାତ୍ମ ସମାଜ ନିର୍ମାଣ, ସାମାଜିକ ସମସ୍ୟା, ଅସ୍ପୃଶ୍ୟତା ଭଳି ସାମାଜିକ ଘଟଣା ଉପରେ ତାଙ୍କର ମନ ସମ୍ବେଦନଶୀଳ ଏବଂ ବ୍ୟାପକ ଥିଲା । ସେ ନିଜର ସଂପୂର୍ଣ୍ଣ ଜୀବନ ଉଚ୍ଚ-ନୀଚ, ଭେଦଭାବ, ଛୁଆଁଅଛୁଆଁ ଭଳି କାମ ପାଇଁ ନିଜ ଜୀବାନକୁ ସମର୍ପିତ କରିଥିଲେ । ସେ କହୁଥିଲେ ଜଣେ ମହାପୁରୁଷ ଜଣେ ସାଧାରଣ ମନ୍ୟୁଠାରୁ ଭିନ୍ନ, ଯିଏକି ସମାଜକୁ ଭଲଭାବରେ ଗଢ଼ିବାକୁ ଚିନ୍ତା କରୁଥାଏ ।
