ଆଜି ରାଜ୍ୟର ସମସ୍ତ ଗ୍ରାମପଞ୍ଚାୟତ ଗୁଡିକ ପାଇଁ ନାଏବ ସରପଞ୍ଚ ପାଇଁ ପରୋକ୍ଷ ନିର୍ବାଚନ ଜାରି ରହିଥିବା ବେଳେ ପଞ୍ଚାୟତ ନିର୍ବାଚନ ଭଳି ଏହି ପରୋକ୍ଷ ନିର୍ବାଚନରେ ବି ହିଂସା ଦେଖିବାକୁ ମିଳିଛି ।
ସୂଚନା ଅନୂସାରେ ଆଜି ବଲାଙ୍ଗିର, ଯାଜପୁର ଓ ନବରଙ୍ଗପୁର ଜିଲ୍ଲାରେ ନିର୍ବାଚନ ପୂର୍ବରୁ ୱାର୍ଡମେମ୍ବରଙ୍କୁ ଅପହରଣ କରାଯାଇଥିବାର ଅଭିଯୋଗ ହୋଇଛି । ବଲାଙ୍ଗିର ସାଜବାହାଲ ଗାଁରେ ୨ ୱାର୍ଡ ମେମ୍ବରଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି ।
ଏହାଛଡା ଯାଜପୁର ପଣାସା ପଞ୍ଚାୟତରେ ସମାନ ଅଭିଯୋଗ ହୋଇଛି ସେହିଭଳି ନବରଙ୍ଗପୁର ତେନ୍ତୁଳିଖୁଣ୍ଟି ମଞ୍ଚା ଗାଁରେ ମଧ୍ୟ ୱାର୍ଡମେମ୍ବରଙ୍କୁ ନିର୍ବାଚନ ପୂର୍ବରୁ ଅପହରଣ କରାଯାଇଛି ।
ଏହାପରେ ବୁଥ୍ ଗୁଡିକରେ ଉତ୍ତେଜନା ଦେଖିବାକୁ ମିଳିଛି । ଲୋକମାନେ ଉତ୍ତେଜିତ ହୋଇ କିଛି ସ୍ଥାନରୁ ବାଲାଟ୍ ବକ୍ସ ମଧ୍ୟ ନେଇଯାଇଥିବା ସୂଚନା ମିଳିଛି ।
