କେନ୍ଦୁଝର:-ଓରାଳି ଗ୍ରାମରୁ ୫ଲକ୍ଷରୁ ଉର୍ଦ୍ଧ ଟଙ୍କାର ବ୍ରାଉନ ସୁଗାର ଜବଦ ଜଣେ ଗିରଫ।କେନ୍ଦୁଝର ଜିଲ୍ଲାର ହାଟଡିହି ବ୍ଲକ ଅଞ୍ଚଳରେ ଧଳା ଜହର କାରବାର ବୃଦ୍ଧି ପାଉଥିବା ନେଇ ବାରମ୍ବାର ଅଭିଯୋଗ ହେଉଥିବା ବେଳେ ଆଜି ଅବକାରୀ ବିଭାଗର ଚେତା ପସିଛି । ଆଜି ଅବକାରୀ ବିଭାଗର ଏକ ସ୍ୱତନ୍ତ୍ର ଟିମ କେନ୍ଦୁଝର ସୀମାନ୍ତ ଓରାଳି ଗ୍ରାମରେ ଚଢ଼ାଉ କରି ବ୍ରାଉନସୁଗାର ବିକିବାକୁ ଆସିଥିବା ଜଣେ ଯୁବକ ନିକଟରୁ ୫ଲକ୍ଷ ୪୦ହଜାର ଟଙ୍କାର ବ୍ରାଉନସୁଗାର ଜବଦ କରାଯିବା ସହିତ ତାକୁ ଗିରଫ କରିଛି ।
ସୁଚନାରୁ ଜଣାଯାଇଛି ଭଦ୍ରକରୁ ଆସି ଜଣେ ଯୁବକ ଓରାଳି ଅଞ୍ଚଳରେ ନିୟମିତ ଭାବେ ବ୍ରାଉନସ ସୁଗାର ବିକ୍ରୀ କରିଥାଏ । ଏ ଅଞ୍ଚଳର ଅନେକ ଯୁବକ ତା ନିକଟରୁ ଏହି ଧଳା ଜହରକୁ ନେଇ ଗ୍ରାମାଞ୍ଚଳରେ ବିକ୍ରୀ କରିଥାନ୍ତି । ଅବକରୀ କମିଶନଙ୍କ ନିର୍ଦ୍ଦେଶ ରେ ସମ୍ବଲପୁର ଅବକାରୀ ବିଭାଗର ଇଣ୍ଟେଲିଜେଣ୍ଟସ ବ୍ୟୁରୋର ଅଧିକାରୀ ଧନଞ୍ଜୟ ପାତ୍ର ଓ ତାଙ୍କ ଟିମ ଆଜି ସକାଳ ୬ଟା ସମୟରେ ହାଟଡିହି ଅବକାରୀ ଥାନା ସହଯୋଗରେ ଓରାଳି ରାମମନ୍ଦିର ନିକଟରେ ଅତର୍କିତ ଚଢ଼ାଉ କରିବାସହ ଭଦ୍ରକ ଅପର୍ତ୍ତିବିନ୍ଧାର ରବିନ୍ଦ୍ର ବାରିକ ନାମକ ଜଣେ ଯୁବକକୁ କାବୁ କରିଥିଲେ ।
ତା ନିକଟରୁ ୫୪ଗ୍ରାମ ବ୍ରାଉନସୁଗାର ଜବଦ କରିବା ସହିତ ତାକୁ ଗିରଫ କରି ହାଟଡିହି ଅବକାରୀ ଥାନାକୁ ଆଣିବାପରେ ତାକୁ ଗିରଫ କରାଯାଇଥିବା ଅବକାରୀ ବିଭାଗ ପକ୍ଷରୁ ସୁଚନା ଦିଆଯାଇଛି । ଏହି ଚଢ଼ାଉରେ ହାଟଡିହି ଅବକାରୀ ଥାନା ଅଧିକାରୀ ଜନାର୍ଦ୍ଦନ ପଲେଇଙ୍କ ସମେତ ସମ୍ବଲପୁର ସ ହାଟଡିହିର ଅବକାରୀ ବିଭାଗର ଅଧିକାରୀ ଓ କର୍ମଚାରୀ ମାନେ ସାମିଲ ଥିଲେ । ମାତ୍ର ଏହି ଚଢ଼ାଉ ଏକପାଖିଆ ହୋଇଥିବା ନେଇ ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି । ଚଢ଼ାଉ ସମୟରେ ଅଭିଯୁକ୍ତର ସହଯୋଗରେ ଏ ଅଞ୍ଚଳରେ ବ୍ରାଉନସୁଗାର କରାବାର କରୁଥିବା ଲୋକମାନଙ୍କୁ ଧରାଯାଇଥିଲେ ଆଗାମି ଦିନରେ ଏହି କାରବାର ଉପରେ ରୋକ ଲଗାଯାଇପାରିଥାନ୍ତା ବୋଲି ସ୍ଥାନୀୟ ଲୋକମାନେ କହିଛନ୍ତି ।
