ଅଭିନବ ଉପାୟରେ ଗୋମାଂସ ଚାଲାଣ । ମିଠା ପ୍ୟାକେଟ ପରି ଗୋମାଂସ ପ୍ୟାକିଂ କରି କଲିକତାରୁ ଚେନ୍ନାଇକୁ ହେଉଥିଲା ଚାଲାଣ । ଚାଲାଣକାରୀଙ୍କୁ ଧରିଲେ ସ୍ଥାନୀୟ ଲୋକେ । ଏପରି ଘଟଣା ସାମ୍ନାକୁ ଆସିଛି ଭୁବନେଶ୍ୱର ।
ସୂଚନାନୁସାରେ, ଭୁବନେଶ୍ୱର କାଇମାଟିଆ ଦେଇ ଅଭିନବ ଉପାୟରେ ଗୋମାଂସ ଚାଲାଣ ହେଉଥିଲା । ଖବର ପାଇ ବଜରଙ୍ଗ ଦଳ ଓ ସ୍ଥାନୀୟ ବାସିନ୍ଦା ଚାଲାଣ ହେଉଥିବା କଣ୍ଟେନରକୁ ଅଟକ ରଖିଥିଲେ । ଏକ ୧୨ ଚକିଆ କଣ୍ଟେନରରେ ଏସବୁ ଚାଲାଣ ହେଉଥିଲା ।
କଣ୍ଟେନରରୁ ଖୋଲି ଦେଖିବା ପରେ ପ୍ୟାକଟରେ ଗୋ ମାଂସ ଥିବା ଦେଖିବାକୁ ମିଳିଥିଲା । ଯାହାକୁ ନେଇ ସେମାନେ ମଞ୍ଚେଶ୍ୱର ଥାନାରେ ଅଭିଯୋଗ କରିଥିଲେ । ତେବେ ଡ୍ରାଇଭର ଫେରାର ହୋଇଯାଇଥିବା ଜଣାପଡିଛି।
