ଭାରତୀୟ ଷ୍ଟେଟ୍ ବ୍ୟାଙ୍କର ନୂଆ ଗାଇଡଲାଇନ୍ କୁ ନେଇ ଜୋର ଧରିଛି ବିବାଦ । ମହିଳା ମାନଙ୍କ ପାଇଁ ଏହି ଗାଇଡଲାଇନ୍ରେ ପାତରଅନ୍ତର କରାଯାଇଥିବା ଅଭିଯୋଗ ଯାହାକୁ ନେଇ ଏବେ ଅଡୁଆରେ ଏସବିଆଇ ।
ସୂଚନା ଅନୂସାରେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ଗୋଟିଏ ଗାଇଡାଲଇନକୁ ନେଇ ବିବାଦ ଦେଖାଯାଇଛି । ଏହି ଗାଇଡଲାଇନ୍ରେ ୩ ମାସରୁ ଉର୍ଦ୍ଧ୍ୱ ଗର୍ଭବତୀଙ୍କୁ ଚାକିରିରେ ନିଯୁକ୍ତି ପାଇଁ ଅନୁମତି ମିଳିପାରିବ ନାହିଁ ବୋଲି ଉଲ୍ଲେଖ ରହିଛି । ମାତ୍ର ପିଲା ଜନ୍ମ କରିବାର ୪ ମାସ ପରେ ପୁଣି ଚାକିରୀରେ ମହିଳା ଯୋଗ ଦେଇ ପାରିବେ ବୋଲି କୁହାଯାଇଛି ।
୩ ମାସରୁ ଅଧିକ ସମୟ ଧରି ଗର୍ଭ ଧାରଣ କରିଥିବା ମହିଳାମାନଙ୍କୁ ଅସ୍ଥାୟୀ ଭାବେ ଏସବିଆଇ ଅନଫିଟ୍ ଘୋଷଣା କରାଥିବାରୁ ଏହାକୁ ନେଇ ଏବେ ବିବାଦ ଦେଖିବାକୁ ମିଳିଛି ।
ବ୍ୟାଙ୍କର ଏହି ଗାଇଡାଲାଇନକୁ ବିରୋଧ କରି ଦିଲ୍ଲୀ ମହିଳା କମିଶନ ଅଧ୍ୟକ୍ଷ ସ୍ୱାତୀ ମାଲିୱାଲ ଏସବିଆଇକୁ ନୋଟିସ କରିଛନ୍ତି । ସେ ବ୍ୟାଙ୍କର ଗାଇଡଲାଇନକୁ ବେଆଇନ ଓ ପାତରଅନ୍ତର ପଦକ୍ଷେପ ବୋଲି କହିଛନ୍ତି ।
ଆଇନ ଅନୁସାରେ ମହିଳାମାନଙ୍କ ‘ମାଟର୍ଣ୍ଣିଟି ବେନିଫିଟ୍’ କୁଏହି ନିଷ୍ପତି ପ୍ରଭାବିତ କରିବ ବୋଲି ମଧ୍ୟ ସେ ଟ୍ୱିଟ ଯୋଗେ ଅଭିଯୋଗ କରିଛନ୍ତି ।
