କେନ୍ଦ୍ରାପଡା :-(ରିପୋର୍ଟ-ଜନ୍ମେଜୟ ବିଶ୍ୱାଳ) ମହାକାଳପଡ଼ା ବ୍ଲକ ଅନ୍ତର୍ଗତ ବଡକୂଳ ଠାରେ ବେଆଇନ ଭାବେ ଚାଲିଛି ମାଟି ଓ ବାଲି ଉତ୍ତୋଳନ। ମାଫିଆ ମାନେ ଦିନରାତି ମାଟି ଚୋରା ଚାଲାଣ କରି ବେପାର ଚଲାଇଛନ୍ତି। ଏହି ଲଘୁ ଖଣିଜ ସମ୍ପଦ ଉତ୍ତୋଳନକୁ ବନ୍ଦ କରିବା ପାଇଁ ପୂର୍ବରୁ ନିର୍ଦ୍ଦେଶ ରହିଛି।
ତେବେ କେଉଁ ଆଧାରରେ ନିର୍ଦ୍ଦେଶକୁ ବେଖାତିରି କରି ମାଟି ଓ ବାଲି ଲୁଟ୍ ହେଉଥିଲେ ମଧ୍ୟ କେନ୍ଦ୍ରାପଡା ଜିଲାପାଳ ଓ ଏସ୍ପି ନିରବ ରହିବା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି। ଅନାବାଦୀ ଓ ଗୋଚର ମଶାନ କିସମତ ଜାଗା ଓ ଲୁଣା ନଦୀ ପଠାରୁ ଏହି ଚୋରା ଚାଲାଣ ହେଉଅଛି।
ଅନ୍ୟପଟେ ଚୋରା ଚାଲାଣ କରିବା ଫଳରେ କୋଟି କୋଟି ଟଙ୍କାର ରାଜଶୋ ହରାଉଛନ୍ତି ସରକାର। ଚୋରା ଚାଲାଣ କାରୀଙ୍କ ସହିତ ତହସିଲଦାରଙ୍କର ମଧୁଚନ୍ଦ୍ରିକା ଚାଲିଥିବାର ସାଧାରଣରେ ପ୍ରଶ୍ନବାଚୀ ସୃଷ୍ଟି ହେଉଛି। ତେବେ ଏ ସମ୍ପର୍କରେ ମହାକାଳପଡ଼ା ତହସିଲଦାରଙ୍କୁ ଯୋଗାଯୋଗ କରିବାରୁ ତାଙ୍କର କୈଣସି ପ୍ରତିକ୍ରିୟା ମିଳି ପାରିନଥିଲା।
