ଦୁଇ ଲୁଟେରାଙ୍କୁ ଗିରଫ ସହ ୧ କେଜି ୩୫୩ ଗ୍ରାମର ରୂପାଇଟା, ୬୦୦ ଗ୍ରାମର ରୂପା ଓ ୧୪ ଗ୍ରାମର ସୁନା ଅଳଙ୍କାର ଜବତ କଲା ଜଗତପୁର ପୋଲିସ ।
ଜଗତପୁର ଥାନା ଅଧିନ ଆଇବିରୋଡ ସ୍ଥିତ ବାସନ୍ତୀ ଦୁର୍ଗା ଜୁଏଲାରୀ ଗତ ଜୁଲାଇ ୨୩ ତାରିଖରେ ରାତିରେ କିଛି ଦୃବୃର୍ତ୍ତ ଦୋକାନ ଆଜବେଷ୍ଟ ଭାଙ୍ଗି ଓ ଲକର କାଟି ଲକ୍ଷାଧିକ ଟଙ୍କାର ସୁନା ଓ ରୂପା ଅଳଙ୍କାର ଲୁଟି ନେଇଥିଲେ ।
ଏ ନେଇ ଜୁଏଲାରୀ ମାଲିକ ଦୟାନିଧି ସାହୁଙ୍କ ଅଭିଯୋଗରେ ପୋଲିସ ଏକ ମାମଲା ରୁଜୁ କରିଥିଲା । ଏହା ପରେ ଦୁଇ ଲୁଟେରାଙ୍କୁ ଗିରଫ ସହ ୧ କେଜି ୩୫୩ ଗ୍ରାମର ରୂପାଇଟା, ୬୦୦ ଗ୍ରାମର ରୂପା ଓ ୧୪ ଗ୍ରାମର ସୁନା ଅଳଙ୍କାର ଜବତ କରିଥିଲା ପୋଲିସ୍ ।
ଗିରଫ ଦୁଇ ଅଭିଯୁକ୍ତ ହେଲେ ଅନିଲ ଦାସ ଓରଫ ଘାଣ୍ଟୁଆ (୨୬) ଏବଂ ରଞ୍ଜନ କୁମାର ପୃଷ୍ଟି ଓରଫ ପିଙ୍କୁ (୪୦) । ଦୁଇ ଅଭିଯୁକ୍ତ ଅନିଲ ଓ ରଞ୍ଜନକୁ ଗିରଫ କରି କୋର୍ଟ ଚାଲାଣ କରିଛି ଜଗତପୁର ପୋଲିସ ।
