ସାମାଜିକ ଗଣମାଧ୍ୟମରେ ଜଣେ ଟିଭି ସାମ୍ବାଦିକଙ୍କ କାହାଣୀ ଭାଇରାଲ ହୋଇଛି । ସଂପୃକ୍ତ ଟିଭି ଆଙ୍କରଙ୍କ ସ୍ଥିତି ଏବେ ଦୟନୀୟ ହୋଇଛି । ଆର୍ଥିକ ସ୍ଥିତି ଭଲ ନଥିବାରୁ ରାସ୍ତାକଡ଼ରେ ଖାଦ୍ୟ ପସରା ଧରି ଗ୍ରାହକଙ୍କୁ ଅପେକ୍ଷା କରିବାକୁ ପଡୁଛି । ସାମାଜିକ ଗଣମାଧ୍ୟମରେ ଫଟୋ ପୋଷ୍ଟରୁ ଜଣାପଡୁଛି ଯେ, ସାମ୍ବାଦିକଙ୍କୁ ଲୋକେ ସହାନୁଭୂତି ପ୍ରଦାନ କରୁଛନ୍ତି ।
ଏହା ଆଫଗାନିସ୍ତାନର ଘଟଣା । ପୂର୍ବତନ ରାଷ୍ଟ୍ରପତି ହାମିଦ କର୍ଜାଇଙ୍କ ସରକାରରେ କାମ କରିଥିବା କବୀର ହକମାଲୀ ଟୁଇଟ କରି ଜଣେ ସାମ୍ବାଦିକଙ୍କ କାହାଣି ସେୟାର କରିଛନ୍ତି । ସେ ୩ଟି ଫଟୋ ସେୟାର କରିଛନ୍ତି । ଗୋଟିଏ ଫଟୋରେ ଆଙ୍କର କୌଣସି ଏକ ଷ୍ଟୁଡିଓରେ ବସିଥିବା ଦେଖାଯାଉଛନ୍ତି । ଅନ୍ୟ ଫଟୋରେ ରାସ୍ତାକଡ଼ରେ କିଛି ସାମଗ୍ରୀ ନେଇ ବସିଛନ୍ତି ।
କବୀର ହକମାଳୀ ଟୁଇଟରେ ଲେଖିଛନ୍ତି- ତାଲିବାନୀ ଶାସନରେ ଆଫଗାନିସ୍ତାନରେ ସାମ୍ବାଦିକଙ୍କ ଜୀବନ । ମୂସା ମହମ୍ମଦୀ ଅନେକ ବର୍ଷ ପର୍ଯ୍ୟନ୍ତ ଆଙ୍କର ଏବଂ ରିପୋର୍ଟର ଥିଲେ । ଭିନ୍ନ ଭିନ୍ନ ଟିଭି ଚ୍ୟାନେଲରେ କାମ କରିଥିଲେ । ଏବେ ତାଙ୍କ ପାଖରେ ପରିବାର ଚଳାଇବା ପାଇଁ ଅର୍ଥ ନାହିଁ । ତେଣୁ ରାସ୍ତାକଡ଼ରେ ଖାଦ୍ୟ ପସରା ଧରି ଗ୍ରାହକଙ୍କ ଅପେକ୍ଷାରେ ଅଛନ୍ତି । ଏଥିରୁ କିଛି ଅର୍ଥ ରୋଜଗାର ହୋଇଥାଏ । ସୂଚନାଯୋଗ୍ୟ ତାଲିବାନୀ ଶାସନ ପରେ ଆଫଗାନିସ୍ତାନରେ ଲୋକଙ୍କୁ ଗରିବି ଜୀବନ ବଞ୍ଚିବାକୁ ପଡୁଛି ।
