ରାୟଗଡା :-(ରିପୋର୍ଟ-ପ୍ରସାଦ ସାହୁକାର)ବସ ଦୁର୍ଘଟଣା, ଜଣେ ମୃତ ପ୍ରାୟ ୩୦ ଆହାତ ସେଥିମଧ୍ୟରୁ ୧୪ ଗୁରୁତରଙ୍କୁ ରାୟଗଡ଼ା ଜିଲ୍ଲା ଚିକିତ୍ସାଲୟ ରେ ଭର୍ତ୍ତି କରାଯାଇଛି, ମୃତ୍ୟୁ ହୋଇଥିବା ଜଣେ ମହିଳା ତାଙ୍କ ପରିଚୟ ମିଳିପାରିନାହିଁ।
ଦୁର୍ଘଟଣାଟି ରାୟଗଡ଼ା ଜିଲ୍ଲା ଚାନ୍ଦିଲି ଥାନା ଅନ୍ତର୍ଗତ ମୁକୁନ୍ଦପୁର ପଞ୍ଚାୟତ ହାତିଖମ୍ବା ଗାଁ ନିକଟରେ ଭାରସାମ୍ୟ ହରାଇ ଓଲଟିଲା ଘରୋଇ ବସ, ଘଟଣା ସ୍ଥଳରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ପ୍ରାୟ ୩୦ ଜଣ ଆହାତ ହୋଇଥିବା ବେଳେ ୧୪ ଜଣ ସଙ୍କଟାପନ ରହିଛନ୍ତି, ସେମାନଙ୍କୁ ରାୟଗଡ଼ା ଜିଲ୍ଲା ମେଡିକାଲ, ଗୁଣୁପୁର ଓ ମୁକୁନ୍ଦପୁର ମେଡ଼ିକାଲରେ ଭର୍ତ୍ତି କରାଯାଇଛି ।
ରାତି ପ୍ରାୟ ୧୨ଟା ବେଳେ ଦୁର୍ଘଟଣା ଘଟିଛି। ତୁରନ୍ତ ପୋଲିସ ଓ ଅଗ୍ନିଶମ ବିଭାଗ କର୍ମଚାରୀଙ୍କ ଦ୍ୱାରା ଉଦ୍ଧାର କରାଯାଇ ମେଡିକାଲ ରେ ଭର୍ତ୍ତି କରାଯାଇଛି, ବସ ଟି ପାରଳାଖେମୁଣ୍ଡି ଠାରୁ ଉମରକୋର୍ଟ ଯାଉଥିବା OD18 D 8282 ନମ୍ବର ସାଇକୃପା ନାମକ ଘରୋଇ ବସ ବୋଲି ଜଣାପଡ଼ିଛି। ଚିକିତ୍ସା କରୁଥିବା ଡାକ୍ତର କହିଛନ୍ତି ସମସ୍ତଙ୍କୁ ଚିକିତ୍ସା ଜାରି ରହିଛି।
