ପୌରାଧ୍ୟକ୍ଷାଙ୍କ ଘରେ ବୋମା ମାଡ଼ ଘଟଣାରେ ଆକ୍ସନ । ଘଟଣାରେ ୨ଜଣଙ୍କୁ ଗିରଫ କଲା ଟାଉନ୍ ଥାନା ପୋଲିସ । ଢେଙ୍କାନାଳ ଜିଲ୍ଲା ଗଁଦିଆ ଆରଦା ଗାଁରୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତଙ୍କ ହେଲେ ପାଣ୍ଡେ ଓରଫ ବିଶ୍ୱଜିତ ବେହେରା ଓ ଟିଟୁ ସାହୁ ।
ଖବର ଅନୁଯାୟୀ, ଗତ ୯ତାରିଖ ରାତିରେ ପୌରାଧ୍ୟକ୍ଷା ଜୟନ୍ତୀ ପାତ୍ରଙ୍କ ସିମିଳିଆ ସ୍ଥିତ ବାସ ଭବନ ଉପରେ ବୋମା ମାଡ଼ କରିଥିଲେ ଦୁର୍ବୃତ୍ତ । ଯାହାକୁ ନେଇ ରାଜ୍ୟ ରାଜନୀତିରେ ଝଡ ସୃଷ୍ଟି ହୋଇଥିଲା । ଏପିରିକି ବିରୋଧୀ ଓ ଶାସକ ଦଳ ମଧ୍ୟରେ ବାକ୍ ଯୁଦ୍ଧ ଚାଲିଥିଲା ।
ଏପଟେ ସୋମବାର ଦିନ ବୋମାମାଡ଼ ପ୍ରସଙ୍ଗରେ ପୋଲିସ ଡିଜିଙ୍କ ସହ କଥା ହୋଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଉ ଏବେ ଏହି ଘଟଣାରେ ପୋଲିସ ୨ଜଣ ଅଭିଯୁକ୍ତଙ୍କୁ ଗିରଫ କରିଛି । ବୋମାମାଡ଼ ଘଟଣାରେ ୫ଜଣରୁ ଅଧିକ ଲୋକ ସାମିଲ ଥିବା ସୂଚନା ମଧ୍ୟ ରହିଛି ।
