ବଲାଙ୍ଗୀର:- ପାଟଣାଗଡ଼ ଉପଖଣ୍ଡ ଘସିଏନ ଗାଁରେ ମଧ୍ୟସ୍ଥି ଜରିଆରେ ଝିଅକୁ ବିକ୍ରି ବେଳେ ଧରିଲା ପୋଲିସ । ମହିଳା ମଧ୍ୟସ୍ଥି ଓ ସାବତ ବାପା ସମେତ 4 ଅଟକ । ନବମ ଶ୍ରେଣୀର ଝିଅକୁ ରାଜସ୍ଥାନ ଚାଲାଣ ଉଦ୍ୟମ କରୁଥିଲା ସାବତ ବାପା ।
ଝିଅକୁ ଚାଲାଣ ପାଇଁ 50 ହଜାର ଟଙ୍କା ଅଗ୍ରୀମ ନେଇଥିଲା ସେ । ଏଥିପାଇଁ ଝିଅକୁ ବଧୂବେଶରେ ସଜାଇ କଣ୍ଟାବାଞ୍ଜି ରେଳ ଷ୍ଟେସନରେ ପହଞ୍ଚିଥିଲା । କୌଣସି ସୂତ୍ରରୁ ଖବର ପାଇ କଣ୍ଟାବାଞ୍ଜି ରେଳବାଇ ପୋଲିସ ସେଠାରେ ପହଞ୍ଚି ପଚରା ଉଚରା କରିଥିଲେ । ବଧୂ ବେଶରେ ସଜ୍ଜିତ ଝିଅଟି ନାବାଳିକା ହୋଇଥିବା ଏବଂ ତାଙ୍କୁ ରାଜସ୍ଥାନ ଚାଲାଣ କରୁଥିବା ଜଣାପଡିଥିଲା ।
ପରେ କଣ୍ଟାବାଞ୍ଜି ରେଳବାଇ ପୋଲିସ ଉକ୍ତ ନାବାଳିକାକୁ ନିଜ ହେପାଜତକୁ ନେଇ ମହିଳା ମଧ୍ୟସ୍ଥି ଓ ସାବତ ବାପା ସମେତ 4 ଜଣ ଙ୍କୁ ଥାନା ରେ ଅଟକ ରଖି ତଦନ୍ତ ଜାରି ରଖିଛି ।
