କେନ୍ଦ୍ରାପଡ଼ା:- (ରିପୋର୍ଟ :-ଜନ୍ମେଜୟ ବିଶ୍ଵାଳ)ଆଜିର ସମାଜରେ ଭାଇ ଭାଇ ର ସମ୍ପର୍କରେ ତିକ୍ତତା ଦେଖା ଦେଉଥିବା ବେଳେ ବଡ଼ ଭାଇର ପରଲୋକ ପରେ ଭାଉଜ ମଥାରେ ସିନ୍ଦୁର ପିନ୍ଧାଇ ବେସାହାରା ପରିବାର ମୁହଁରେ ଖୁସି ଆଣିଛନ୍ତି। ଏହି ବିବାହ ପରେ ପରିବାର ଓ ଗ୍ରାମବାସୀଙ୍କ ମଧ୍ୟରେ ଆନନ୍ଦର ଲହରୀ ଖେଳି ଯାଇଛି।
ସମାଜକୁ ଏକ ସୁନ୍ଦର ବାର୍ତ୍ତା ଦେବାଭଳି ଏହି ଘଟଣା ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ଆଳି ବ୍ଲକ କୁମ୍ଭାରଟଙ୍କା ଗ୍ରାମରେ। ଗ୍ରାମର ପୁରୁଷୋତ୍ତମ ସେଠୀଙ୍କ ବଡ଼ ପୁଅ ସୁନୀଲ ସେଠୀ ଦୀର୍ଘ ୬ ବର୍ଷ ପୂର୍ବେ ଗ୍ରାମର କାଜଲ ସେଠୀଙ୍କୁ ପ୍ରେମ ବିବାହ କରିଥିଲେ। ହସଖୁସିର ସଂସାର ଚାଲିଥିବା ବେଳେ ସୁନୀଲ କର୍କଟ ରୋଗରେ ପରଲୋକ ଘଟିଛି।
ଦୀର୍ଘ ଦେଢ଼ ବର୍ଷ ହେବ କାଜଲଙ୍କ ସ୍ୱାମୀଙ୍କ ପରଲୋକ ପରେ ୩ ଟି ଛୁଆଙ୍କୁ ନେଇ ଏକାକି ଜୀବନ ବିତାଉଥିବା ବେଳେ ବାପା ମାଙ୍କ ବୁଝାସୁଝା ପରେ ସାନପୁଅ ଅନିଲ ଗ୍ରାମରେ ଥିବା ଜଗନ୍ନାଥ ମନ୍ଦିରରେ ଭାଉଜଙ୍କ ମଥାରେ ସିନ୍ଦୁର ପିନ୍ଧାଇ ନିଜର କରିଛନ୍ତି।