ନବରଙ୍ଗପୁର ଜିଲ୍ଲାର ସେମରଡିହୀ ଠାରେ 4 ଜି ଟାୱାର ଲୋକାର୍ପିତ – କେନ୍ଦ୍ର ମନ୍ତ୍ରୀ ଙ୍କ ଦ୍ଵାରା ଆଭାସୀ ଜରିଆରେ ଲୋକାର୍ପିତ ।5 ଜି ସେବା ଆରମ୍ଭ ହୋଇଥିବା ବେଳେ ନବରଙ୍ଗପୁର ଜିଲ୍ଲା ରେ 4 ଜି ସେବା ଆରମ୍ଭ ହୋଇଛି। ଜିଲ୍ଲାର ନକ୍ସଲ ଉପଦ୍ରୁତ ଅଞ୍ଚଳ ଓଡିଶା- ଛତିଶଗଡ ସୀମାନ୍ତ ରାଇଘର ବ୍ଲକ ର କୁନ୍ଦେଇ ପଞ୍ଚାୟତ ର ଦୁର୍ଗମ ସେମର ଡିହୀ ଗ୍ରାମରେ 4 ଜି ସେବା ର ଶୁଭାରମ୍ଭ ହୋଇଛି।
ଆଭାସୀ ଜରିଆରେ ରେଳ ଯୋଗଯୋଡ, ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶ୍ଵିନୀ ବୈଷ୍ଣବ ଓ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ସେବା ଆରମ୍ଭ କରିଥିଲେ। ରିଲାଏନ୍ସ ଜିଓ କମ୍ପାନୀ ପକ୍ଷରୁ ସେମରଡିହୀ ଗ୍ରାମରେ 4 ଟି ଟାୱାର ନିର୍ମାଣ କରାଯାଇଛି। ଏହି ଟାୱାର ଯୋଗୁଁ ସୀମାନ୍ତବର୍ତ୍ତୀ ସମସ୍ତ ଗ୍ରାମ ରେ ଡିଜିଟାଲ ନେଟୱର୍କ , ହାଇସ୍ପିଡ ଇଣ୍ଟରନେଟ ଟେଲିକମ ସୁବିଧା ଉପଲବ୍ଧ ହୋଇପାରିବ।
ଆଜି ସେମର ଡିହୀ ଠାରେ ଏକ କାର୍ଯ୍ୟ କ୍ରମ ରେ ଭୁବନେଶ୍ବର ରେ ଅନୁଷ୍ଠିତ ହେଉଥିବା ଉଦ୍ଘାଟନୀ ସମାରୋହ ର ସିଧା ପ୍ରସାରଣ କରାଯାଇଥିଲା। ବିଧାୟକ ନିତ୍ୟାନନ୍ଦ ଗଣ୍ଡ ମୁଖ୍ୟ ଅତିଥି ରୂପେ ଯୋଗ ଦେଇ କେନ୍ଦ୍ର ସରକାରଙ୍କ ଏହି ମହାତ୍ଵାକାଙ୍ଖି ଯୋଜନା ସମ୍ପର୍କ ରେ ଆଲୋଚନା କରିଥିଲେ। ଏହି କାର୍ଯ୍ୟ କ୍ରମ ରେ ବିଏସଏନଏଲ ଓ ରିଲାନ୍ସ ଜିଓ ର ପଦାଧିକାରୀ ଙ୍କ ସମେତ କୁନ୍ଦେଇ ପଞ୍ଚାୟତ ବାସୀ ଯୋଗ ଦେଇଥିଲେ।
