ଗଞ୍ଜାମ ଜିଲ୍ଲା ଜଗନ୍ନାଥପ୍ରସାଦ ଥାନା ପୋଲିସକୁ ମିଳିଛି ବଡ଼ ସଫଳତା । ଅଂଚଳର କୁଖ୍ୟାତ ଅପରାଧୀ ଶଙ୍କର ନାୟକ ଦୀର୍ଘଦିନ ଧରି ଫେରାର ଥିବାବେଳେ ସୂଚନା ପାଇ ପୋଲିସ ଗିରଫ କରିଛି ।
ଏହାସହ ତା ନିକଟରୁ ଗୋଟିଏ ମlଉଜର ଓ ୫ଟି ଜୀବନ୍ତ ଗୁଳିକୁ ଜବତ କରିଛି ପୋଲିସ । ଗିରଫ ଶଙ୍କରର ଘର ଜଗନ୍ନାଥପ୍ରସାଦ ଥାନା ବେଗୁନିଆ ଗ୍ରାମର ହୋଇଥିବା ବେଳେ ଦୀର୍ଘ ଦିନ ଧରି ପୋଲିସ ଆଖିରେ ଚକମା ଦେଇ ଫେରାର ହୋଇଯାଇଥିଲା ।
ତା ନାଁରେ ମର୍ଡର, ଡକାୟତି ଭଳି ୧୩ଟି ସଙ୍ଗୀନ ମାମଲା ବିଭିନ୍ନ ଥାନା ଅଞ୍ଚଳରେ ରହିଥିବା ବେଳେ ସହଯୋଗୀକୁ ଖୁବ୍ ଶୀଘ୍ର ଗିରଫ କରାଯିବ ବୋଲି ସାମ୍ବାଦିକ ସମ୍ମିଳନୀରେ ଭଞ୍ଜନଗର ଏସଡିପିଓ ସୂଚନା ଦେଇଛନ୍ତି ।
