ଯେତେ ଭାଇ , ସେତେ ଘର । କେହି ନୁହେଁ କାହାରି, ଭାଇ ହେଲା ଭଗାରୀ । ଜମିବାଡି ବିବାଦକୁ କେନ୍ଦ୍ର କରି ହତ୍ୟାକାଣ୍ଡ । ସାନ ଭାଇକୁ ହତ୍ୟା କଲେ ୩ ବଡ ଭାଇ । ସମ୍ବଲପୁର ଜିଲ୍ଲା ରେଢାଖୋଲ ଥାନା ସାନ ରେଙ୍ଗାଲି ଗାଁରେ ଅଘଟଣ ।
ଖବର ଅନୁଯାୟୀ, ଜମିବାଡି ବିବାଦକୁ ନେଇ ୪ଭାଇଙ୍କ ମଧ୍ୟରେ ଗଣ୍ଡଗୋଳ ଲାଗିରହିଥିଲା । ଶେଷରେ ସାମାନ୍ୟ ବିବାଦ ନେଇଥିଲା ଉଗ୍ରରୂପ । ତିନି ବଡଭାଇଙ୍କ ଆକ୍ରମଣରେ ସାନଭାଇଙ୍କର ମୃତ୍ୟୁ ହୋଇଛି । ସେପଟେ ମୃତ୍ୟୁ ଖବର ଶୁଣି ରେଢାଖୋଲ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରୁଛି । ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ପୋଲିସ ।
