ବକ୍ସ ଅଫିସ୍ରେ ଧମାଲ ମଚାଉଛି ଆଲିଆ ଭଟ୍ଟଙ୍କ ‘ଗଙ୍ଗୁବାଇ କାଠିଆୱାଡୀ’, ଓପନିଙ୍ଗ ୱିକରେ ୪୦ କୋଟି କ୍ଲବ୍ରେ ସାମିଲ । ଗତ ଫିଲ୍ମ ଫ୍ରାଇଡେର ରିଲିଜ୍ ହୋଇଥିବା ଗଙ୍ଗୁବାଇ ରବିବାର ସୁଦ୍ଧା ପ୍ରାୟ ୪୦ କୋଟି ଟଙ୍କାର ବ୍ୟବସାୟ କରିସାରିଲାଣି ।
ଫିଲ୍ମରେ ଆଲିଆ ଭଟ୍ଟଙ୍କ ଦମଦାର ଅଭିନୟ ଦର୍ଶକଙ୍କୁ ବାନ୍ଧି ରଖିଥିବା ବେଳେ ସିନେମାରେ ଗୀତ ଗୁଡିକ ମଧ୍ୟ ବେଶ୍ ଲୋକପ୍ରୀୟ ହୋଇପାରିଛି । ଚଳଚ୍ଚିତ୍ରଟି ଫେବୃଆରୀ ୨୫ ରେ ମୁକ୍ତିଲାଭ କରିଥିଲା ଏବଂ ଏହା ପ୍ରଥମ ଦିନରେ ପ୍ରାୟ ୧୦.୫ କୋଟି ଟଙ୍କାର ବ୍ୟବସାୟ କରିଥିଲା ।
ଫିଲ୍ମରେ ଆଲିୟାଙ୍କ ସହ ଅଜୟ ଦେବଗନ୍ଙ୍କୁ ମଧ୍ୟ ନିଆର ଅନ୍ଦାଜରେ ଦେଖିବାକୁ ମିଳିଛି । ସିନେମା ଟିର ନିର୍ଦ୍ଦେଶନା ବଲିଉଡ୍ ର ଦିଗଜ୍ଜ ଡାଇରେକ୍ଟର ସଞ୍ଜୟ ଲୀଲା ଭନ୍ସାଲି ଦେଇଛନ୍ତି ।
ପୁରା କାହିଣୀ ଟି ଏକ ରିୟଲ ଲାଇଫ୍ ଷ୍ଟୋରୀ ଉପରେ ପର୍ଯ୍ୟବେଶିତ । ମୁମ୍ବାଇ, ରେଡ୍ ଲାଇଟ୍ ଏରିୟା ତଥା କାମାଠିପୁରାର ଗଙ୍ଗା ନାମକ ଜଣେ ମହିଳାଙ୍କ ଏହି କାହାଣୀ ରହିଛି ଯାହାକୁ ଅତି ନିଖୁଣ ଭାବରେ ଉପସ୍ଥାପନା କରିଛିନ୍ତି ଆଲିୟା ଭଟ୍ଟ ।
