ବଡ଼ଭାଇର ଦାୟିତ୍ୱ ନେଲା ଭାରତ, ପଠାଇଲା ୧୧ ହଜାର ମେଟ୍ରିକ୍ ଟନ୍ ଚାଉଳ

0
49
ବଡ଼ଭାଇର ଦାୟିତ୍ୱ ନେଲା ଭାରତ, ପଠାଇଲା ୧୧ ହଜାର ମେଟ୍ରିକ୍ ଟନ୍ ଚାଉଳ
ବଡ଼ଭାଇର ଦାୟିତ୍ୱ ନେଲା ଭାରତ, ପଠାଇଲା ୧୧ ହଜାର ମେଟ୍ରିକ୍ ଟନ୍ ଚାଉଳ

ବଡ଼ ଆର୍ଥିକ ସଂକଟ ଦେଇ ଦିନ କାଟୁଥିବା ଶ୍ରୀଲଙ୍କାର ଜନତା ଏବେ ଖାଦ୍ୟ-ପେୟ ପାଇଁ ଅସୁବିଧାର ସାମ୍ନା କରୁଛନ୍ତି । ଏଭଳି ଏକ ଅସୁବିଧା ସମୟରେ ଭାରତ ଏକ ଭଲ ପଡୋଶୀ ରାଷ୍ଟ୍ର ଓ ବଡ଼ଭାଇର ଭୂମିକା ତୁଲାଉଛି । ଭାରତ କ୍ରମାଗତ ଭାବେ ଶ୍ରୀଲଙ୍କାକୁ ସହାୟତା ଯୋଗାଇ ଆସୁଛି ।

ଭାରତ ପୁଣି ଥରେ ଶ୍ରୀଲଙ୍କାକୁ ବଡ଼ ସହାୟତା ଦେଇଛି । ଜାତୀୟ ନୂଆବର୍ଷ ଆରମ୍ଭ ହେବା ପୂର୍ବରୁ ମଙ୍ଗଳବାର ୧୧ ହଜାର ମେଟ୍ରିକ୍ ଟନ୍ ଚାଉଳର ପ୍ରଥମ ଦଫା ପଠାଇଛି । ଶ୍ରୀଲଙ୍କାକୁ ୧ ବିଲିୟନ ଡଲାର ଭାରତୀୟ ଋଣ ସୁବିଧା ଦିଆଯାଇଛି । ଶ୍ରୀଲଙ୍କାର ଅଧିକାରୀମାନେ ଚାଉଳ ପାଇବା ପରେ ଭାରତ ସରକାର ଓ ଭାରତୀୟ ଜନତାଙ୍କୁ ଧନ୍ୟବାଦ ଜଣାଇଛନ୍ତି । ସେମାନେ କହିଛନ୍ତି ଯେ, ଅସୁବିଧା ସମୟରେ ଭାରତ ସହୟତାର ହାତ ବଢ଼ାଇଛି ।

ଶ୍ରୀଲଙ୍କାକୁ ଆର୍ଥିକ ସଂକଟରୁ ମୁକ୍ତ କରିବା ପାଇଁ ଭାରତୀୟ ଷ୍ଟେଟ ବ୍ୟାଙ୍କ ଓ ଶ୍ରୀଲଙ୍କା ସରକାରଙ୍କ ମଧ୍ୟରେ ୨୦୨୨ ମାର୍ଚ୍ଚ ୧୭ ତାରିଖରେ ବୁଝାମଣା ହୋଇଥିଲା । ଏହି ବୁଝାମଣା ଅନୁସାରେ ଋଣ ଦିଆଯାଇଛି । ଏହି ଋଣ ବଳରେ ଭାରତରୁ ଶ୍ରୀଲଙ୍କାକୁ ଖାଦ୍ୟ ସାମଗ୍ରୀ ପଠାଯାଉଛି । କେବଳ ଖାଦ୍ୟ ପଦାର୍ଥ ନୁହେଁ । ବରଂ ଭାରତ ସରକାର ଶ୍ରୀଲଙ୍କାକୁ ଇନ୍ଧନ ଓ ଔଷଧ ମଧ୍ୟ ଯୋଗାଇ ଦେଇଛନ୍ତି ।

LEAVE A REPLY

Please enter your comment!
Please enter your name here