ନୂଆପଡା :-କୋମନା ବ୍ଲକ ସ୍ଥିତ ବୁଦ୍ଧିକୋମନା ଗ୍ରାମପଂଚାୟତ ଅନ୍ତର୍ଗତ ପଣ୍ଡରାପଥର ଗ୍ରାମର ମଦର ଟେରେସା ସ୍ୱେର୍ଭିସିଙ୍ଗ ସେଣ୍ଟରଙ୍କ ଆନୁକୂଲ୍ୟରେ ଆଜି ବିଶ୍ୱ ମହିଳା ଦିବସ ପାଳନ କରାଯାଇଛି. ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ନବ ନିର୍ବାଚିତ ଜିଲ୍ଲା ପରିଷଦ ସଭ୍ୟା ଜୋନ -3 ର ଶ୍ରୀମତୀ ଦୀପିକା କୋଶଲ୍ୟା ଓ ନବ ନିର୍ବାଚିତ କୁରେଶ୍ୱର ଗ୍ରାମପଂଚାୟତ ସରପଞ୍ଚ ଶ୍ରୀମତୀ ବିଜୟ ଲଷ୍ମୀ ବରାଳ ଉପସ୍ଥିତ ଥିଲେ.ତତ ସହିତ ସଂଗଠନର ସମ୍ପାଦକ ଶ୍ରୀ ଶେଷଦେବ ପ୍ରଧାନୀ ଓ ବହୁ ଛାତ୍ରଛାତ୍ରୀ ଉପସ୍ଥିତ ଥିଲେ l
ଆଙ୍କର – ସୃଷ୍ଟିରେ ନାରୀ ହିଁ ଜନନୀ,ଧାତ୍ରୀ, ପାଳନକାରୀ, ସୃଷ୍ଟି ରକ୍ଷାକାରୀଣି ଅଟନ୍ତି.ସେ ସଂସାରରେ ଭଉଣୀ, ଜାୟା, ଜନନୀ ରୂପେ ବଞ୍ଚି ରହେ l ସେ ମାତା ଦୁର୍ଗା, ଲଷ୍ମୀ, ସରସ୍ବତୀ (ଶକ୍ତି ସ୍ୱରୂପିଣୀ, ଧନ ଧାନ୍ୟ, ଅନ୍ନ ଦାୟିନୀ, ବିଦ୍ୟାଦାତ୍ରୀ ଭାବେ ଯୁଗେ ଯୁଗେ ବନ୍ଦନୀୟା. ଏହି ଯୁଗରେ ମଧ୍ୟ ପ୍ରତ୍ୟେକ ମହିଳାଙ୍କୁ ସମ୍ମାନ ଦେଉଛି ଆଧୁନିକ ସମାଜ. ମା କୁ ସମ୍ମାନ ଓ ଗାଁ କୁ କାମ ମଧ୍ୟ୍ ସରକାର ଘୋଷଣା କରିଛନ୍ତି l
ପ୍ରତିବର୍ଷ ମାର୍ଚ୍ଚ ମାସ 8ତାରିଖକୁ ବିଶ୍ୱ ମହିଳା ଦିବସ ଭାବରେ ପାଳନ କରାଯାଏ l ବିଶେଷତଃ ମହିଳା ମାନଙ୍କ ପ୍ରତି ସମ୍ମାନ, ସ୍ନେହ, ଶ୍ରଦ୍ଧାର ନିଦର୍ଶନ ନିମନ୍ତେ ଏହି ଦିବସ ପାଳନର ତାତ୍ପର୍ଯ୍ୟ ରହିଛି. ମହିଳା ମାନଙ୍କ ଅର୍ଥନୈତିକ, ରାଜନୈତିକ ଏବଂ ସାମାଜିକ ଅଭିବୃଦ୍ଧିର ଉତ୍ସବ ଭାବରେ ଏହି ଦିନର ମହତ୍ୱ ରହିଛି l ମହିଳା ମାନଙ୍କୁ ସମାଜରେ ସେମାନଙ୍କର ଉଚିତ ସ୍ଥାନ ଦେବା ଓ ସେମାନଙ୍କ ଉପଲବ୍ଧି ସର୍ବ ସାଧାରଣରେ ପ୍ରୋତ୍ସାହନ ଦେବା ତଥା ପ୍ରଶଂସା କରିବା ପାଇଁ ଏହି ଦିବସର ମହତ୍ୱ ରହିଛି
