ଅଭିନେତ୍ରୀ ପତ୍ନୀଙ୍କୁ ଭେଟିବା ପାଇଁ ତିହାର ଜେଲରେ ଆମରଣ ଅନଶନ କରୁଛନ୍ତି ମହାଠକ ସୁକେଶ ତିହାର ଜେଲ୍ରେ ଦିନକାଟୁଥିବା ୨୦୦ କୋଟି ଟଙ୍କାର ଠକେଇ ମାମଲାର ଅଭିଯୁକ୍ତ ସୁକେଶ ଚନ୍ଦ୍ରଶେଖରଙ୍କୁ ନେଇ ଜେଲ କର୍ତ୍ତୃପକ୍ଷ ପୁଣି ଚିନ୍ତାରେ ପଡ଼ିଯାଇଛନ୍ତି । ମହାଠକ ସକେଶଙ୍କ ଆମରଣ ଅନଶନ ନେଇ ତିହାର ଜେଲ କର୍ତ୍ତୃପକ୍ଷଙ୍କ ଚିନ୍ତା ବଢ଼ିଛି ।
ସକେଶ ଚନ୍ଦ୍ରଶେଖର ଗତ ଏପ୍ରିଲ ୨୩ ତାରିଖ ଠାରୁ ଆମରଣ ଅନଶନ ଆରମ୍ଭ କରିଦେଇଛନ୍ତି । କିଛି ଦିନ ପର୍ଯ୍ୟନ୍ତ ତାଙ୍କୁ ତରଳ ଖାଦ୍ୟ ଦିଆଯାଇଥିଲା । କିନ୍ତୁ ଦୀର୍ଘ ୧୯ ଦିନ ହେଲା ଆଦୌ ଖାଦ୍ୟ ଗ୍ରହଣ କରିନାହାନ୍ତି । ଏହାର କାରଣ ହେଉଛନ୍ତି ତିହାର ଜେଲରେ ବନ୍ଦ ତାଙ୍କର ଅଭିନ୍ରେତୀ ପତ୍ନୀ ଲୀନା ମାରିୟା ପଲ୍ ବୋଲି କୁହାଯାଉଛି । ପତ୍ନୀଙ୍କୁ ଭେଟିବା ପାଇଁ ସୁକେଶ ଆମରଣ ଅନଶନ କରିଛନ୍ତି ।
ତିହାର ଜେଲ ଡିଜି ସଂଦୀପ ଗୋୟଲ କହିଛନ୍ତି ଯେ, ସୁକୋ ଚନ୍ଦ୍ରଶେଖର କିଛି ଦିନ ହେଲା ଖାଦ୍ୟ ଗ୍ରହଣ କରିନାହାନ୍ତି ।
କିନ୍ତୁ ସେ ଖାଦ୍ୟ ନଖାଇବା ପଛରେ ଯେଉଁ କାରଣ ରହିଛି, ତାହା ହେଲା ତିହାର ଜେଲର ୬ ନମ୍ବର ସେଲରେ ବନ୍ଦ ଥିବା ତାଙ୍କର ପତ୍ନୀଙ୍କୁ ନିୟମ ବିରୋଧରେ ଯାଇ ଭେଟିବାକୁ ଚାହୁଁଛି । କିନ୍ତୁ ଜେଲ ଅଧିକାରୀ ସେହିଭଳି ଅନୁମତି ଦେଇପାରିବେ ନାହିଁ । ସୁକେଶକୁ ଯେଉଁ ଦଣ୍ଡ ମିଳିଛି, ତାହା ଜାରି ରହିବ ।
ପତ୍ନୀଙ୍କୁ ଭେଟିବା ଜେଲ ନିୟମ ଅନୁସାରେ ମାସକୁ ୨ ଥର କରାଯାଇପାରିବ । କିନ୍ତୁ ସୁକେଶ ପତ୍ନୀଙ୍କୁ ଜେଲରେ ୨ରୁ ଅଧିକ ଥର ଭେଟିବାକୁ ଚାହୁଁଛନ୍ତି, ଯାହାକି ସମ୍ଭବ ନୁହେଁ । ସୁକେଶଙ୍କ ସୁରକ୍ଷା ନେଇ କର୍ତ୍ତୃପକ୍ଷ ନଜର ରଖିଛି । ଅନ୍ୟପଟରେ କୁହାଯାଉଛି ଯେ, ସୁକେଶଙ୍କ ଓଜନ ୫ କିଲୋ ହ୍ରାସ ପାଇଛି । ସେ ପୂର୍ବରୁ ୭୨କିଲୋ ଓଜନ ଥିଲେ । ଏବେ ତାଙ୍କର ଓଜନର ୬୭ କିଲୋ ଅଛି ।
