ଅନୁଭବଙ୍କ ଘରେ ରହିବେ ବର୍ଷା,ଏସଡ଼ିଜେଏମ୍ କୋର୍ଟଙ୍କ ନିର୍ଦ୍ଦେଶରେ ରୋକ୍ ଲଗାଇଲେ କଟକ ଜିଲ୍ଲା ଜଜ୍ କେନ୍ଦ୍ରପଡ଼ା ସାଂସଦ ଅନୁଭବ ମହାନ୍ତିଙ୍କ ଘରେ ରହିବେ ସ୍ତ୍ରୀ ତଥା ଅଭିନେତ୍ରୀ ବର୍ଷା ପ୍ରିୟଦର୍ଶନୀ । ପୁର୍ବରୁ ଅନୁଭବ ମହାନ୍ତିଙ୍କ ଘର ଛାଡ଼ି ଭଡ଼ା ଘରେ ରହିବାକୁ ଏସଡ଼ିଜେଏମ୍ କୋର୍ଟରୁ ନିର୍ଦ୍ଦେଶ ଥିଲା ।
ହେଲେ ଆଜି ଏହି ମାମଲାର ପୁଣି ଥରେ ଶୁଣାଣୀ ହୋଇଛି । ଏସଡ଼ିଜେଏମ୍ ଙ୍କ ନିର୍ଦ୍ଦେଶରେ କଟକ ଜିଲ୍ଲା ଜଜ୍ ଅନ୍ତରୀଣ ରୋକ୍ ଲଗାଇଛନ୍ତି । ପୁର୍ବରୁ ଏସଡ଼ିଜେଏମ୍ କୋର୍ଟ ବର୍ଷା ଅନୁଭବଙ୍କ ଘରେ ନରହିବା ସହିତ ଅନୁଭବ ଘରଭଡ଼ା ବାବଦକୁ ମାସିକ ୩୦ ହଜାର ଟଙ୍କା ଦେବାକୁ ନିର୍ଦ୍ଦେଶ ଦେଇଥିଲେ ।
ହେଲେ ବର୍ତ୍ତମାନ ଏହି ନିର୍ଦ୍ଦେଶ ଉପରେ ରୋକ ଲଗାଇଛନ୍ତି କଟକ ଜିଲ୍ଲା ଜଜ୍ । ତେବେ ସୁଚନା ଅନୁସାରେ ଗତକାଲି ମଧ୍ୟ କୋର୍ଟରେ ପହଂଚିଥିଲେ ବର୍ଷା ।ଅନୁଭବ କୋର୍ଟଙ୍କ ନିର୍ଦ୍ଦେଶର ଅବମାନନା କରୁଥିବା ଦର୍ଶାଇ ଏକ ଆବେଦନ କରିଥିଲେ । ଅନ୍ୟ ପଟେ ଘରେ ଅସ୍ୁସ୍ଥ ବାପା ମା ଥିବା କାରଣରୁ ବର୍ଷା ଅନ୍ୟତ୍ର ରହିବାକୁ ନିବେଦନ କରିଥିଲେ ଅନୁଭବ ।
