ସ୍ତ୍ରୀ ବନ୍ଧୁକରୁ ସ୍ୱାମୀର ଗୁଳି : ଲାଇସେନ୍ସ ରଦ୍ଧ ପାଇଁ ଲେଖାଯିବ ଚିଠି-ଡିସିପି

0
45
ସ୍ତ୍ରୀ ବନ୍ଧୁକରୁ ସ୍ୱାମୀର ଗୁଳି ଲାଇସେନ୍ସ ରଦ୍ଧ ପାଇଁ ଲେଖାଯିବ ଚିଠି-ଡିସିପି
ସ୍ତ୍ରୀ ବନ୍ଧୁକରୁ ସ୍ୱାମୀର ଗୁଳି ଲାଇସେନ୍ସ ରଦ୍ଧ ପାଇଁ ଲେଖାଯିବ ଚିଠି-ଡିସିପି

ଭୁବନେଶ୍ୱର ସିଆରପି ଛକରେ ଏୟାର ଫାୟରିଂ ଘଟଣା । ସ୍ତ୍ରୀ ବନ୍ଧୁକରୁ ଗୁଳି ଫୁଟାଇଥିଲେ ସ୍ୱାମୀ । ଘଟଣାସ୍ଥଳରୁ ମିଳିଛି ଦୁଇଟି ଖୋକା । ଅଭିଯୁକ୍ତ ବିନୟଙ୍କ ସ୍ତ୍ରୀଙ୍କ ନାଁରେ ରହିଛି ବନ୍ଧୁକ ଲାଇସେନ୍ସ । ପୋଲିସ ଆଗରେ ସବୁ ସତ ମାନିଛନ୍ତି ଗିରଫ ବିନୟ ଆଚାର୍ଯ୍ୟ ।ସେହିପରି ଭୁବନେଶ୍ୱର ଡିସିପି କହିଛନ୍ତି ଯେ, ସିଆରପି ପାଖରେ ଏକ ଦୋକାନ ଆଗରେ ଗଣ୍ଡମୁଣ୍ଡା ଅଞ୍ଚଳରବିଭୁ ପ୍ରସାଦ ଜେନା ଛିଡ଼ା ହୋଇଥିଲା ।

ଅଭିଯୁକ୍ତ ବିନୟ ଆଚାର୍ଯ୍ୟ ଦୋକାନ ପାଖକୁ ଆସି ଗଣ୍ଡଗୋଳ କରିଥିଲା । ବିନୟ ଆସି ଗଣ୍ଡଗୋଳ କରିବା ସହ ବିଭୁ ଉପରକୁ ଗୁଳି ଚଳାଇଥିଲେ । ଥାନାରେ ବିଭୁ ଙ୍କ ଏତଲା ପରେ ବିନୟ ଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯିବ । ଜେରା ବେଳେ ପୋଲିସ ଆଗରେ ସବୁ କଥା ମାନିଛି ଅଭିଯୁକ୍ତ ବିନୟ । ସବୁଠୁ ବଡ଼ କଥା ହେଲା ନିଜ ସ୍ତ୍ରୀର ବନ୍ଧୁକରେ ଗୁଳି ଚଳାଇ ଥିଲେ ବିନୟ ।

ଅଭିଯୁକ୍ତ ବିନୟର ସ୍ତ୍ରୀଙ୍କ ନାମରେ ବନ୍ଧୁକ ଲାଇସେନ୍ସ ରହିଛି । ଅଭିଯୁକ୍ତ ବିନୟର ପତ୍ନୀ ଜଣେ ଜାତୀୟ ସ୍ତରର ଶୁଟର । ସେ ରାଇଫଲ କ୍ଲବର ମେମ୍ବର ବୋଲି ଜଣା ପଡ଼ିଛି । ବିନୟ ଠାରୁ ଗୋଟିଏ ବନ୍ଧୁକ ଓ ୫ ରାଉଣ୍ଡ ଗୁଳି ଜବତ କରିଛି ପୋଲିସ । ଆଗକୁ ବନ୍ଧୁକର ଲାଇସେନ୍ସ ରଦ୍ଧ କରିବାକୁ ପୋଲିସ କମିଶନରଙ୍କୁ ଚିଠି ଲେଖାଯିବ ।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.